跟住會點呢???（五）

老公一放假就偷懶無寫blog！今朝立即補番，一寫就３篇！嘻嘻！

咁早寫blog係因為我仲未瞓，係呀！７點仲未去瞓！前晚老公返夜朝早返嚟瞓！我又同佢一齊大覺瞓到下晝５點！瞓飽晒！而且傾計傾到好醒，所以瞓唔著！

瞓醒下晝６點幾７點去食飯竟然揰到Raymond玲玲，真係有緣了所以就傾到代課同開center嘅問題喇！如果代課代大肚媽咪生ＢＢ即係代十星期，有七百幾八百蚊日即係可以有﹕

５日×８ＯＯ＝４ＯＯＯ一星期！十星期可以有４ＯＯＯＯ蚊

嘩！都幾多喎！而且返去我第１間教過嘅小學又有舊同事老友記好似幾吸引咁！加上可以同公積金人講我有去代課！唔錯！

但係我今年話唔教書住係想出去試吓做其他野！代課即係做我之前做開嘅野！會唔會好似浪費左啲時問呢？又唔係好等錢洗！如果等錢洗真係唔錯！

我都係問多次另一個Raymond自閉小朋友嗰度comfirmｌＯ月請人未先！如果可以sure到就唔代啦！賺少Ｄ錢都唔怕啦！儲多Ｄ經驗值先！

等你地第日開center同我學埋play therapy先！好好運用今年嘅寶貴光陰先！

話時話，今晚食完飯去叻叻屋企台灣仔，米米返夜！然後１點幾老公帶住我地３個女仔去左打桌球！我從來都無正式玩過！以前只係最多陪過人去！無茵茵同叻叻咁叻！但都幾好玩！好彩夜麻麻無乜人！唔係笑死人都似！個白波成日中袋！跟住返屋企同老公傾計傾天光，之後佢瞓著我瞓唔著又鼠出來寫blog明天中午又約左Maymay地，夜晚又約左Mingming食飯！係平日星期四五可以陪唔洗返工嘅老公咁真係而家做師奶仔放自己大假時先可以！

以前日日返工返到散晒，又忟憎，又要趕住早瞓第２朝晨早起身返工！邊有心情傾計同出街吖！我諗我咁大個女由小學中學大學同教書都未試過而家咁無壓力想做乜就做乜！想瞓就瞓！想上網就上網！想睇書就睇書！想去街就去街！好享受好lumlum！

我個勇敢的決定是正確的！希望我跟住會揾到feel good in every ways嘅工作！而又可以繼續好身心健康好lumlum咁享受生活啦！