掛住你地.....

昨晚食飯時老公同舊同學傾計，我同＜契爺ＢＢ＞玩得好ｌｕｍ！玩完後右手手指尾好痛！之前已經有少少痛，玩完夜晚仲痛！好奇怪點會整親手指尾呢？

做完ＴＭ諗起可以睇吓Louisa Hay嘅You can Heal Your Life！熟我嘅朋友仔都知我係positive thinking迷深信身心相連，思想影響身體同生活中遇到嘅人同埋事！於是我就去睇吓本＜天書＞研究下手指尾痛代表邊度有guilt啦！痛＝內疚！之前係＜幸福的鼻鼾聲＞打過呢！

原來係family issue！又係喎！成個月無見過爸Ｂ媽咪同細佬妹了！好！今個星期返過海回娘家先！其實我有掛住你地！不過在心中啫.......

係咪每個家庭嘅相處方式表達方法都唔同呢？有時見老公一星期會回去見爸爸媽媽幾次，同阿媽講電話好似女朋友仔咁温柔都覺得好得意！係因為佢係獨子嗎？

我同爸Ｂ媽咪唔會咁close的？係因為我細個曳嗎？唔會啩！都過去晒啦！定因為有細我十年十幾年嘅細佬同妹妹陪住你地呢？唔知細佬妹兩個大個左有自己家庭後會點呢？

總之點都好啦！計劃下今個星期幾返來好呢？