逢星期六, 都係威威婆婆屋企嘅family day!! 一家人一齊返去公公婆婆屋企一齊食晚飯!!
每次都好熱鬧, 好好餸咖! 
不過因為威威返shift, 唔係成日就到星期六放假, 又或者放假有時又約左朋友, 所以我地都唔係參與左好多次咋!!
今朝威威night完, 今日first off, 所以今晚我地就去左婆婆度食大餐喇 
!! 有大廚舅母係度, 次次都有驚喜!! 今次係右下方嗰碟好好好滑嘅水蛋, 個面仲有肉醬, 撈飯100分!! 好快比人搶晒
!!
威威嫲嫲都出左黎一齊, 呢對襯家(威威公公, 婆婆&嫲嫲 )好friend咖, 成日一齊打麻雀, 好happy咖
!
由於攝影師威威尋晚個night做到嘔, 無停過....!! 好辛苦, 今日下晝瞓完都未回到氣, 無乜心機影相, 所以得咁少相
!! 下星期六母親節gathering再影過啦!! 
ps: 多謝晒舅母, 細e同我分享你地嘅生bb歷程!! lumlum!! 細e係加拿大生第一胎時34週突然穿水, 但係外國竟然無催生, 穿左水之後仲等左3日先因細e要求開始催生!
! 唔係話穿水太耐唔得嘅咩??? 
今晚老公返夜, 臨返工前返左老爺奶奶度食晚飯, 唔該晒奶奶煲左我人生第一碗"白蓮蘇"比我
!!
不過其實我只係飲左 一啖, 怕食埋隻蛋食唔落飯, 所以pack左番屋企, 而家先再番熱佢做宵夜
白蓮蘇"嘅用處係去胎毒, bb皮膚會靚靚同埋話會易生d, 唔洗痛咁耐!!
baby而家30week, 即係8個月喇, 所以可以開始飲!!
有d人仲早開始飲,
7個月開始, 開頭兩星期一次!
8個月開始, 一星期一次!
9個月開始, 一星期兩次!!!
如果唔落冰糖就會苦, 我今日呢碗而家一路飲一路blog, 好好味!! thanks much, 奶奶!!
ps: 今日同聽日都係監考日, 我又係去番上次嗰間中學, 另一位監考員話呢度好好, 有得坐, 佢上星期嗰間要企足3個鐘頭!! !! 好彩我係呢間咋, 唔係實攰到暈左... 
!! I deserve the best!! THanks God!! 
好攰..............!!
今朝一早老公返工, 8點就醒左, 跟住就瞓唔返.....
下晝約左0707mami linda一齊去行街!!
第一站, 帶左佢去"勝香園"食蕃茄面同混醬多!! lumlum!! 我識路喇!! 勁
!!
then, 我地去左H&M!! 點知.... 一睇睇左幾個鐘頭
, 大家都試左好多轉衫!!
最後, 仲發現二樓有大肚衫, 又試多ROUND!!!! !!
好少shopping嘅我今日真係super透支....! 不過兩個大肚mami一齊行街又好hap!
節目仲未完喎, 因為我地夜晚book左去做yoga, 唔可以因為行街街攰就唔做嘅, 所以我地遲左15分鐘都去上堂!! 好乖乖!!
最後, 同突然surprise, 出左黎旺角接我嘅老公去dinner!!
而家要快d babyplus完瞓喇!!! 因為明天要一早去監考
!!
good nightnight!!
今日又係返去QE覆診嘅日子~~
老公要返工, 表姐陪我去!!
2pm booking, 2:40已經走得喇! 出奇地快呢!!!
今次個醫生大年紀少少, 仲好好人, 起碼都有望下我!!
我問佢會唔會同我check血糖, 因為我見好多0707mami都有做飲糖水test, 醫生話我咁嘅年紀, 又無家族遺傳, 而且check小便都無超標, 所以血糖高嘅機會好微, 唔會check喇!!
而我手腳又有少少水腫, 手指d關節有少少痛, 佢話唔怕咖, 生完就無事咖喇!!
之後約兩星期後再去check up!! 嘩...好快又要再去喇.....!!
離生bb嘅日子愈來愈近, 見醫生就愈來愈密喇.......!!
好多人問我地點解見左bb咁多次, 照咁多u/s怕唔怕咖!! 我地問過醫生, 超聲波係完全無問題嘅!! 放心!
而照baby嘅次數其實都係照住醫生嘅吩咐之嘛, 之後連私家醫生都係要2星期一次, 嘩... 好貴呀
!!!
尋日下晝照完bb, 去左cafe睇漫畫同tea, 然後再去yoga, 之後就趕番去葵芳同威威d老友記dinner喇!!而家打番先發現自己咁忙
!!
今晚仲多左個主角 -浚曦bb!!
我發現自己好似有左bb嘅11月頭, 浚曦bb嘅媽咪就係醫院等緊佢出世喇! 而家就快半歲喇
第時一定會同仔仔一齊玩一齊大啦!!
因為今日公假, 威威又咁好彩off, 所以就上左我地home喇!!
