近況 ^.^

近期真係荒廢左個blog~~~

mami每日每夜都好忙忙忙~~~

生意仔開始左7個幾月, 好多好多project推出, 好彩而家多左個office加倉加showroom, 我同kitman ee可以帶埋個細b一齊去開工, 邊做邊傾邊玩咁!!! ^.^

而又都有不少客人約上黎showroom睇吓野, 同我地傾吓計咁, 好快又一日!!! ^.^

仔仔豬而家返全日, 如果可以嘅, 我地都會係屋企煮飯食, 4點幾5點接佢放學, 就一齊返屋企玩!!! 妹妹而家大個女左, 識得坐係度睇住哥哥玩, 見佢兩個互動真係好lumlum好開心, 生多一個, 辛苦d都值~~~ ^.^

到左9點幾, 就開始安排仔仔豬瞓覺, 多數都攪呢樣攪嗰樣, 又wee wee, 又poo poo, 最少都個幾鐘頭先陪瞓完畢!!! 然後就到陪妹妹~~~

跟住再上陣網, 入吓貨, 跟吓單, 又好夜喇~~~ 要瞓喇!!!

瞓一陣, 又開始做人肉奶咀, 妹妹呢個全人奶bb, 夜晚一定要食夜奶, 有時又扭吓啜吓咁, mami邊瞓邊餵, 都唔知道佢食左幾多次!!

如果哥哥lum半夜醒左, 又一定要搵mama, mami就要過去佢房陪瞓, 多數會係床仔攬住佢一齊瞓左, 然後轉個頭又比姐姐or dadi 叫醒過番大床餵妹妹...... 晚晚都係咁, 一聽到喊聲就彈起, 睇吓由邊張床去另一張床!!!

跟住好似未瞓咁, 又夠鐘起身叫醒lumlum豬, 同佢換衫返學喇~~~ 而家我地都係堅持係我or dadi送佢返學同接佢放學, 點攰點想瞓多陣都係咁話!!! 姐姐就陪住妹妹, 反而可以瞓多陣!! =p

跟住一日又開始喇~~~ 餵女揍女, 有時就返倉, 有時就去入貨, 有時係屋企hea吓, 眨吓眼又下晝喇~~~

下年仔仔豬返半日學, 我嘅自己時間仲少d呢... 不過到時妹妹都大個女, 要教要陪玩, 到時可以兩個齊齊教齊齊玩~~~ ^.^ 希望到時生意仔上好左軌道, 可以多番d時間!!

始終都係揍仔女第一, 我係全職mami, parttime搵$$!! ^.^

多謝爺爺嫲嫲一個星期最少都有一日幫我揍左仔仔豬放學加dinner同瞓一晚, 等我有一日可以瞓晏d!!! ^.^

加油加油~~~ 仲有好多好多相未得閒整理, 仲有好多好多相未upload同寫blog!!!!!!

見到你兩個咁開心, mami dadi就叉晒電咖喇~~~