一歲發展監察@健康院

一歲嘅小珏霖有10.2kg. 即係22磅8安士!!! 排第75!! 上次係第50, 升左一條curve~~~

頭圍係46.5cm, 排第50! 同細個d時一樣~~~

身長係78cm,  排第75-90中間!!! 仍然係偏高!!! ^.^ 上一次度係兩個月時, 當時係排第90咖~~~

*************

發展監察: (tamama,&小吉媽,  我懶得打字, 偷copy左你地嗰篇d字黎改呀~~~ hehe! 唔好介意!! !)

1. 護士俾一個碗一隻匙俾仔仔, 仔仔唔使提都識得用匙"畢"碗內空氣, 又識得將有空氣既匙放近咀邊

2. 姑娘比左幾粒積木放係自己隻手比仔仔玩, 等佢用左右手攞積木, 同放番落去, 過關~~~ 仲放埋入口食添~~~ 哈哈!!

2. 姑娘手上放細細粒星星餅,比仔仔豬用手指去執,又係2隻手都做暈, 阿仔放左入口食, 然後好快就吐番出黎~~~ 哈哈!!! 唔通好難食???

3. 點解你地有得玩車車??? 我個仔無嘅???

問題時間:

一開始, 姑娘問仔仔豬邊個揍, 我話我自己揍, 姑娘即刻話仔仔豬真係幸福呢!!! ^.^

1. 可以扶傢具企/走路....ok

2. 可以大人拖住行....唔ok喎!!! 因為姑娘話單手先算, 仔仔豬都係我地雙手捉住多d!!! !今日我試左幾次, 其實佢係ok嘅!!! 只不過我地之前無同佢試!!! ^.^ 

3. 識講幾多個單字.....奶奶,鴨鴨, mama,mum mum.....

4. 識乜簡單手勢.....bye bye, 請請, hihi, touch your head, put up your hands.......

5. 識表達自己想要嘅野.....姑娘一邊同mami傾計, 佢一邊表演手指指功!! 哈哈!!! 好明顯過左關啦~~~方

6. 用學習杯未.....仲係用第3階段吸管杯,姑娘話可以試用第4階段杯!!! 其實我都有比大人杯仔仔飲水, 不過會倒晒出黎~~~ 哈哈!!! 姑娘話比好少好少水佢試下自己倒入口就ok喇~~~ 或者比隻假杯佢扮飲都得, 總之比佢學下自己揸杯倒入口!!!

7. 著衫/除衫時,識遞手仔腳仔....又唔pass添!! 佢識遞手仔, 不過mami覺得腳仔未識!!! 同佢著片片褲都會掙扎>.<

8. 屋企玩咩玩具..... 車車, lego, 積木, 波波, 疊疊杯..... 姑娘建議買煮飯仔同埋樂器比仔仔豬玩!!!

而人奶方面, 我問姑娘其實洗唔洗同佢戒呢~~~

姑娘話如果mami ok嘅, 最好繼續餵, 餵到兩歲都唔怕!!!

咁我話怕唔怕佢習慣左要食住mama milk瞓覺, 姑娘問佢食得耐唔耐?  我話唔耐, 瞓左就甩咀!!! 佢話咁唔緊要啦喎!!!

而姑娘又話可以加到3餐固體!!! 我問佢一早起身食包包飲杯奶粉奶, 算唔算1餐固體? 佢話都可以喎~~~加埋下午茶其實都好ok喇!! 可能算一日餐喇~~~

而姑娘又建議開始俾爛飯仔佢食, 我問其實點先算爛飯仔呢??? 佢話好杰嘅粥. 我話咁而家我都煲得都超級杰咖喇!! ^.^咁又ok喇~~~  

姑娘仲比左份小冊子我睇, 叫"正面管教從幼兒開始"~~~ 好啱feel呢~~~ hehe!!!  

大致上都ok晒喇,未pass嗰d都唔係好緊要嘅!!!

下次歲半再見~~~  ^.^