2007.7.5 回憶錄 - 仲未得???

一年前   2007.7.5

終於天光喇~~~

等到7AM姑娘開始出出入入, 探熱......

我話好痛呀..... 佢地話, 等醫生黎啦~~~

打比老公~~~ 好辛苦呀~~~ 快D黎陪我啦~~~

終於, 黃漢光醫生出現喇~~~ 好好人呢~~~

佢安慰我話好過尋旳好多喇~~~ 子宮頸原本向後, 而家向前左喇, 不過... 都未有咁快生得咖, 瞓下先啦~~~

我瞓唔到呀.... 我都好想瞓呀!!!! 一瞓又痛醒呢......

於是佢話, 咁打支止痛針啦!

瞓覺好嘅先有力生嘛, 而且打左針, 無咁痛, RELAX D可能會開得快D呢!! 我痛左成晚攰到呢...... 即刻拿拿聲打啦~~~

打完, 超WING超暈....... 唔知瞓左定暈左......

辛苦威威一早比我嘈醒話要佢黎陪我!!!

原來佢仲去左MACDONALD等11AM買我個FAVOURITE包包上黎比我食!!  

11:30出去走廊搵老公食包包, 其實藥力開始過左, 又開始番5MIN一次陣痛... 出去走廊都開始有D辛苦喇~~~

下晝又係瞓下痛醒下, 等到5PM, 老公, 老爺奶奶都黎左!!!

老公陪住我一齊數住幾多MINUTE陣痛一次, 人真係好奇妙, 好似SET左ALARM咁, 真係大約隔4-5MIN一次, 每次痛50SECOND左右!!! 我好乖乖咁mark低晒d時間咖~~~

爸B, 媽咪細佬妹妹都黎左, 不過7點幾, 好快比人趕喇!!! 所以我出左走廊搵佢地!!! 老公去左DINNER先~~~

 

依然係幾分鐘一次陣痛, 成個肚好似硬晒咁, 然後大約1MIN又停!!!

細佬妹一路我一嗌痛就COUNT住, 痛緊時就好辛苦, 一RELAX時又OK!!!

9:30PM 老公食飽後返黎, 到底走唔走好呢???

會唔會返到HOME又生得呢???

我到底仲要痛幾耐呢???

當時嘅我真係好迷茫...... 好少咁無奈呢.....

又請姑娘CHECK下, 佢地話好薄好薄喇宮頸, 應該就快得喇!!!  仲攞左BB床仔同產房衫放係我床邊, 哄我好快喇~~~應該好快喇~~~

老公話佢攰到呢.... 好想返去冲個涼抖下, 寧願一有消息再打的返黎!! 於是..... 佢都走左.....

又剩低我一個..... 同肚入面係咁踢我嘅仔仔, 同不停幾分鐘痛一次嘅子宮...... 同埋唔知道做乜C都唔開嘅子宮頸.....

如果係私家醫院??? 係咪會同我開刀算數呢????

好痛..... RELAX...好痛... RELAX..... 好痛...... 瞓著......痛醒..... 瞓著..... 痛醒..... 瞓著.....

痛到1AM, 項唔住!!! 又CHECK一次, 未開............

4AM, 想C........, 又CHECK一次, 好似好D, 但都未OK.........

好痛好辛苦好唔明點解要痛咁耐..........

唔係好快就生得嘅咩????

又要自己係醫院痛....... 掛住老公.......

終於大爆發.......... 喊喊喊左一大餐.........

呢個時候, 收到表姐LOULOU SMS呢......

打長途同佢傾左好耐, 喊左RELEASE左好耐!!!

隔離床嘅MAMI, 嘈住你休息真係唔好意思呢........

<明天待續>