一年前 2007.7.4
老公返夜未放工, 原本呢日仲book左的去睇私家醫生12:40同埋下晝2:15返QE檢查!!!
8:30醒左, 去TOLIET, 哎呀~~~ 見紅呢~~~ 不過又唔係好痛!!
跟住我仲等老公放工返黎瞓陣先, 食左個早餐, 仲寫BLOG: 見紅喇~~~ !! 同埋MSN!!!
三茄媽教我炒個薑蛋白飯, 生嗰時好氣好力D!!! 哈哈!!! 於是我仲煲定飯, 等老公起身炒比我食!!!
仲有叉燒送飯添~~~ 哈哈!!! 而家睇番點解咁冷靜嘅呢??
2PM我地搭的士去到QE!!!
分流完換埋衫去左A2!!!
要等到5PM探病時間, 老公先可以入房陪我呢~~~
不過我好似成日都行左出去!! ^.^
6PM食左個唔知係乜嘅飯, 又怕唔夠力生喎, 乜都要食啦!!!
哎呀呀~~~ 仲發現原來個肚爆左喇~~~ 唔知道係咪入左醫院一日都無搽過肚紋膏, 而且陣痛開始左仔仔豬係咁踢踢踢, 踢爆左呢???? 好醜怪呀~~~ >.<~~~
好好彩, 7PM就有得轉二等房喇~~~
二人一房, 靜好多舒服好多!!!
G11嘅13號床!!! 我仲諗1313, 實生實生!!! 今晚實生得出喇o卦!!!
8PM, 老公比人趕走喇~~~ 去左DINNER先!!
9PM開始好規律嘅10MIN一次陣痛! 老公食飽返左G11門口, 我出左去走廊痴住佢.... 點知... 姑娘話要鎖門喇!!!睇我都無咁快生得咖喇, 最快都下半夜啦~~~ 叫老公返去抖下先!!
10-11PM 7MIN一次陣痛
11-12PM 5MIN一次陣痛
好辛苦好似勁M痛咁..... 姑娘CHECK下話子宮未開喎!!
想瞓又瞓唔著, 每幾分鐘痛就醒一醒..... 又無經驗..... 成晚係度諗仔呀仔??? 你想點呀??? 幾時先出黎呀???
真係唔知道點過..... 到4AM, 覺得好痛好痛!!! 又請姑娘再CHECK, 都係未開喎..........
救命呀~~~ 點解會咁咖??? 點算呀????
<明天待續>
wah...係0甘緊張0既時後明天待續???
回覆刪除btw...雖然我開肚生﹐但我0個朝都 experience 過 幾分鐘痛一痛﹐又未有耐生得呀。。。
回覆刪除好痛好痛但又未開！我都係呀！定係我地唔夠忍得痛呢？
回覆刪除呢d1年前既相，有d係未暴過光架喎！right？
Cary，等你個生仔回憶錄等左成年啦哈哈~~ 我記得我o個時生完阿仔出返黎，都要睇下你個blog，睇下你生左阿仔未！
回覆刪除我個回憶錄就短好多啦，臨時臨急 book 手術室，夠鐘就自己入醫院，等開刀，生左！呵呵...自然分娩真係好偉大！雖然我經歷左開刀，覺得開刀其實都好痛 (之後個傷口痛爆)，但我諗如果我有第二個，我都無勇氣自己生囉！宜家諗返就唔知點解o個時我咁有guts 諗住自己生！
救命呀~~~ 點解會咁咖??? 點算呀???? 點解係依d重要時刻仲未出下篇ka
回覆刪除哈哈~ 我仲記得我返緊工你MSN我話我聽你見紅, 我問你做咩唔去醫院你話老公返完夜仲訓緊 ...... 當時聽到覺得好出奇~ 做咩你一D都唔緊張嫁呢??? 原來到我自己見紅時都係會me me mo mo咁沖涼...洗頭...食野...寫blog...先出門口去醫院
回覆刪除係呀...我都記得呀, 我返緊工, 你MSN話我聽你見紅啦, 但你一啲都唔驚喎, 仲慢慢嚟, 原來已經係一年前既事, 好似唔係好耐咁, 時間真係快啦, 預祝仔仔 Happy Birthday 先.......明天再講.....
回覆刪除一見人生返生仔經過,我就覺得好驚
回覆刪除哈哈哈、個肚真係爆左喎
回覆刪除一陣俾我睇吓好番未先！？！？！？
見到你瞓果張床，我又諗起生完囡囡都係瞓呢張床，好親切！ 我都係响QE生又係瞓G11嘅13號床0架！
回覆刪除哈哈, 你醫院個套衫係超級oversized喎!
回覆刪除做媽媽真的好偉大！
回覆刪除祝鈺霖生日快樂，乖乖成長，就是對媽咪同daddy最好的回報！
嘩...你好勇敢呀...夠膽post 個大肚...
回覆刪除自己生....對我呢d超怕痛嘅人係無可能嘅事,你真係勁.
回覆刪除我都係7月4日入院生浠浠架﹗不過係5年前既事lu...
回覆刪除你好勁呀﹗仲可以影咁多相
到生得時個樣都仲係咁靚既~~真係利害呀~~我係緊急入院生的....都無經歷過陣痛~~不過都無計啦 haha
回覆刪除佩服你入院前仲可以咁冷靜
好搞笑..到生既時候都仲咁得閒影相....但係我...因為太快...只可係腦裡回憶下啦...
回覆刪除痛...好痛...勁痛...超痛...唔痛..(HAHA因為生左)前後用不到6小時....
cary, 一年過後又俾你勾起左我慘痛既回憶........ 同一張13號床, 一樣半夜痛到出唔到聲, 一樣食埋d難食飯, 仲覺得一路睇, 一路覺得我個肚同腰有d痛呀~
回覆刪除