2007.7.7 回憶錄 - 新手MAMI加油!!!

2007.7.7 新手MAMI努力學習中........

7月6日晚

探病時間5-8PM係好多人陪伴之下, 好快就過左!!

我亦都係老公離開之前自己落左床, 自己去TOLIET!!!

個傷口都幾痛呢, 不過姑娘話無頭暈就可以試下自己落床~~~ ^.^

我嘅奶媽生涯開始喇~~~

夜晚餵埋仔仔豬8點幾嗰餐之後, 姑娘話叫我乖乖地休息, 先至上奶咖~~~ 於是, 我就乖乖咁瞓左~~~

2007.7.7

到左第二朝先再努力餵餵餵~~~ ^.^

我地臨出院影低左呢個係醫院填嘅表~~~

見到仔仔豬夜晚食左兩次奶粉, 每次35ML~~~

而我就由8AM開始餵餵餵MAMA MILK, 到下晝覺得佢都係好似唔夠飽好陰公豬咁, 就餵完人奶再補奶粉~~~

對我黎講, 餵人奶最辛苦嘅係個子宮收縮得好痛~~~

姑娘話, 痛咪好囉~~~ 即係BB食得叻啜得好囉~~~

咁我都安慰D~~~ ^.^

咁補奶粉係點補呢???

係用杯嘅呢~~~ 因為之前去講座話有D BB用過奶樽會有混淆, 最好開頭唔會比佢用~~~ 哄係埋身先比佢啜~~~

但又怕佢唔夠飽.... 咁點好呢???

用膠杯仔餵啦~~~

其實都好高難度呢~~~ 要倒入仔仔豬個口, 又唔好太大力!!!

怕倒晒出黎, 又或者"續"到佢!!! 不過~~~ 原來BB真係好叻叻嘅呢~~~ 佢真係識得一啖一啖咁吞嘅呢~~~

哈哈~~~ 兩日大嘅小珏霖, 個頭咁圓嘅???

我覺得比人捉住掃風嘅BB好醜怪, 又好可愛~~~ HEHE~~~

要記先得低, 仔呀~~~DADI威係你出世嘅第一晚就去左UNCLE繆屋企HAPPY喇~~~ 佢話我地出左院就無得玩喎~~~ HEHE!!

不過, 佢7月7日下晝未夠5PM就黎左探我地喇~~~

第2天嘅全家幅~~~

mami錫仔仔, dadi就錫mami~~~ ^.^

係醫院比人包到成隻糉咁嘅bb~~~

我呢個新手mami真係連換片都唔識咖~~~ 要請姑娘教我~~~ 換完仲要包番好咁樣真係幾高難度呢~~~

仲有呀~~~ 我記得d胎糞好痴咖, 痴住晒個patpat好難清潔呢~~~  

我覺得第2日嘅仔仔豬同第一日唔同左樣呢~~~

呢日都有好多好多親朋好友黎左探我地呢~~~ ^.^

 mami覺得比第一日攰左好多呢,  淨係餵奶換片都好似好忙碌咁喇~~~ ^.^

不過, 攬住個自己嘅bb, 感覺真係好特別好特別~~~

我一日內錫左小珏霖無數咁多啖~~~ 又成日攬住佢比mama milk佢食~~~

就算放左佢係我床邊張床仔瞓覺, 我都係眼光光咁睇住佢, 覺得好奇妙好奇妙~~~

成日諗: 呢個真係我個仔呢~~~ 我真係做左mami呢~~~

dadi威仲覺得仔仔豬好靜好乖~~~ 點解好似唔識喊咁呢??

就係咁........ 我就做左兩日mami喇~~~ ^.^

(待續..... )