偷懶玩wii同family day幾日, 無去visit各位嘅blog~~~ 今日去探下各位bloggers時, 發現狂梨問我 :
Cary如果冇記錯...你好似係教書...但點解放棄一份穩定收入, 福利又好0既工...會唔會原因都係想比多時間bb?
咁我就答下佢啦~~~ 點知打下打下打左一大篇~~~
所以決定不如返番自己呢度同所有blogger一齊分享下啦~~~:
首先...我唔係有左baby先至唔教書咖~~~ 係自己係上年7月尾8月(仲未比我放暑假
), 做到頂唔順, 走入去校長室大喊一場, 然後quit左, 仲決定唔教小學喇~~~ 唔做miss喇~~~ 不如試下做其他野啦... (不過都係要同小朋友有關咖)!!! 跟住打算抖下同去個旅行先搵工~~~又同朋友研究緊開learning center, 點知~~~ 可能個人relax左, 就bingo左有左baby喇~~~ 整定嘅~~~ 咁就辛苦威威養住我, 等我全職陀bb, 做下parttime, 代下課, 補下習咁喇!!! (後尾先諗, 其實係咪一樣可以搵工咖??? 不過only無產假??)
其實我有時都會問自己係咪好傻瓜~~~ 放棄左一份人人都覺得"穩定收入, 福利又好0既工.."~~~ 個個都話教書又高人工, 又多假期, 又乜乜乜, 又物物物~~~ 仲因為自己決定quit而放棄埋政府供嗰兩年公積金~~~ 都二萬幾蚊咖~~~ 
不過, 老公同熟我嘅朋友都話, 如果我仲教緊書, 可能生個stressful同忟薑bb, 而家呢個就實係開心relax健康bb喇~~~~
回想番之前嗰年, 每日officail工作時間係早7:30晚5~~~!! 如果準時放工返屋企仲要改簿出卷~~~
係學校無停咖, 每日空堂有兩三節.... 不過都係改緊簿or開備課會!!! lunch唔係好似office咁放一個hour有得休息下咖!! 同學生一齊係classroom食, 一樣要打醒十分精神睇住佢地咖!!! 學生放學, 你就開始帶課外活動, 再加上一個學期有好多表演節目~~~ 又要training啦~~ 排戲啦~~~ none stop咖~~~ 每日眨下眼就十幾個鐘頭喇 ~~~
而且, 當你肯做時, 就會好多好多野做喇~~~ 例如: 個個show都係你做mc啦~~~ 我都應該好pro咖喇~~~, 因為我U 係讀IT, 而IT嘅範圍又太大喇~~~ 所以乜都叫埋我去聽同跟
~~~ 仲有好多班務要處理, 做board啦..... 真係好十項全能咖~~~
不過.... 有少少不務正業feel, 因為想用多少少時間備課同準備多d工作紙教好d班學生或者同班學生傾下計關心下佢地........ 但係無時間~~~ 你要去帶課外活動..... 開好耐好長好無效率嘅會議......你要做好多文件野..... 乜教書最緊要唔係教好班小朋友咩????
不過... 其實我好鐘意教書咖!!! 因為我好享受對住成班小朋友!!! 可以話呢份工係我由細到大嘅dream job!! 所以就算有時做到好大壓力... 好辛苦...... 真係會做到攬住威威喊...我都無諗過我會突然決定quit咖......
一切只係係上年個7月發生:
人人放暑假時..... 我被要求日日返去做一d應該係高層做嘅編時間表工作~~~ 因為用電腦編..... 所以關我事....... 
....... 但其實無乜可以幫到手....... 好waste時間.......
跟住, 因為有同事突然離職..... 所以..... cary, 你做英文panel啦~~~ 
~~~~ 吓~~~ 我好fresh咋喎~~~ 只係係呢間做左一年咋(結左婚搬屋先轉左去呢間)~~~ 而且我又唔係英文degree喎~~~ 我只係pass左基準試咋喎~~~仲要外評喎~~~~ 其實, 好多謝高層賞識~~~ 覺得我有能力去做~~~ 都有考慮過試下嘅~~~ 其實佢地係inform你, 唔係問你做唔做......
不過突然比佢地嚇一嚇, 再加上當時仲無得放暑假....做到好辛苦好stress好忟....... 真係會放工返屋企自己o對啤酒大喊唔知道點算咖~~~同威威商量完, 就決定同校長講清楚啦~~~~ 佢地都好愕然我咁激要quit~~~不過.... cary係咁咖喇~~~~ 可能真係過左我嘅底線啦!!!
而且我唔係扭計....想傾條件.... 所以之後佢地開好多唔同嘅offers比我... 我都決定左走~~~
所有同事放完個暑假返黎唔見左我都嚇親... 因為佢地放左假後... 我先發生咁多野同決定咁.......
!!! 以前返緊工嘅我一定無時間精力打blog..... 威威而家辛苦d養住我... 不過就有個開心d唔忟憎唔發脾氣嘅老婆囉~~~我相信一切都係啱啱好嘅~~~~ 而家嘅我就專心等baby出世~~~揍bb先~~~
到適當嘅時間就會再做d同小朋友有關嘅野貢獻社會咖喇~~~
自信d講.... 我相信只要比心機做, 我做乜都掂嘅~~~~~首先, 希望做全職mami揍仔都掂先啦~~~ 
沒有留言:
張貼留言