係我地個廳個電視櫃度有一格櫃係屬於B頭嘅~~~~ 裡面放晒佢嘅玩具!!!
佢成日都會爪門, 叫我地開櫃門比佢攞野玩
, 不過成日都一次過攞晒出黎, 之後又要幫佢執番
!!
肚入面嘅BABY就快出世喇~~~ B頭雖然細細隻, 但係都有幾次壞記錄
: 試過咬我細佬同埋老公.....
!! 所以好多人, 尤其是我媽咪...都問我生baby之後打算點??
我就當然無打算放棄B頭啦~~ 由佢3個月大開始養佢, 到今時今日佢都差不多8歲喇, 陪住我經歷左好多, 雖然佢有時真係有脾氣...., 令我都好神經衰弱, 成日怕上我屋企嘅人比佢咬親, 唔知點算.....唉.....
見到其他BLOG友嘅狗仔可以同佢地嘅BABY一齊玩, 真係好羨慕.... 
!!
我而家暫時呢幾個月訓練左佢唔准入我房.... 見佢無得一齊入房嘆冷氣瞓都幾心痛咖, 不過無法啦!!! 今日去日本城買左一個水枕頭比佢, 希望佢涼d啦!!
跟住就諗緊要搵d野隔開佢同baby嘅活動範圍, baby多數都係係我房同廳, 如果間住B頭係走廊嗰邊, 就即係只得廚房同厠所, 佢嘅活動範圍就好細, 好似好陰公咁..... 我好想有辦法間開半個廳比佢, 等佢可以係飯枱嗰邊!!!! 但間開半個廳又要用好長嘅野.... 去邊度搵呢??? 
希望襯baby未出世, 威威同我快D諗到辦法間開半個廳, 等B頭可以習慣左D先!!! 唔好等baby出左世先至間啦~~~ 
I had two cats before Julian was born. I had them since they were a few months old, and they were brother and sister. After Julian was born, they got quite jealous of lacking the attention and of Julian. So eventually due to lack of time, and that knowing that is not fair to the cats, we decided to give them away to someone who can give them more love and care. I felt very bad about it, but they were pleeing everywhere in the house, and making a lot of fights. I have allergies, and I didn't get rid of them even then, so you can imagine really how hard it was for me to make that decision. But at a certain point, you've to ask yourself, who is more important to you? Then at that moment, I knew it is Julian who comes first! So I hope your dog will be well-trained before your baby arrives, and that they can get along fine.
回覆刪除小心D毛毛攪到亞B敏感喎
回覆刪除但考慮bb之餘一定要對dog dog公平....當日決定養佢係一個一生的"成烙"......雖然bb你first priority...但都要對dog dog公平d.....
回覆刪除留它係書房可以嗎？
回覆刪除其實屋企有baby，真係唔適合養寵物，因為呢毛毛都可能令baby敏感，尤其是氣管，分開佢地都好的。希望你們一家四口，可以開開心心生活啦！
回覆刪除我以前愛狗如命嫁,而家的確有點兒冷落了我家狗狗,但我覺得狗係有性嫁,我以前同埋隻狗一齊瞓床嫁,但到我抱Aaliyah返屋企果一日開始,佢就自動自覺出廳瞓喇,我覺得佢係呷醋,但如果你隻狗有脾氣嘅,你最好睇緊d呀...
回覆刪除你隻dog好似我細妹個隻"白雪雪"呀 唔怕啦,好多人都養狗,我細妹都養左5隻
回覆刪除我家狗狗係我既陪嫁狗黎架！由我未識我老公,我已經養佢架喇！佢由細到大都同我一齊訓！生coco果時都係同我一齊訓,但bebe出世後,我就無再同佢一齊訓喇,亦唔比佢再上我張床！因為bebe始終係早產bb,所以要有所避忌！我都覺得自從bebe出世後,冷落左我家狗狗好多！希望我家狗狗會明白同體諒我啦！！！
回覆刪除你B頭同我奶奶隻北京狗個樣好似, 不過我肯定B頭唔會咁衰, 我奶奶隻狗顛架, 佢妒忌心好重, 佢咬過我、我老公、叔仔、阿姨.... 等等, 連我奶奶都咬過, 成日吠人要人比野佢食, 不過我奶奶卻寵佢寵到不得了。 我BB十月出世了, 因為我仲會繼續返工所以BB下晝會由工人帶去我奶奶屋企, 我好驚第日BB會比佢咬, 都唔知點算好, 又唔想得失我奶奶, 唔通真係要等到BB比狗咬至去諗辦法咩.... 頭痛... 點解人狗咁難相處....
回覆刪除你b頭真係好似我茶茶! 茶茶都有一個屬於佢既櫃, 佢成日叫我去拎零食比佢食架! 我茶茶以前都係同房訓, 但佢訓地無得上床訓。(我做女個時另一隻狗 就上床訓, 但我老公唔比茶茶上床訓), 但佢有三張床 - 客廳, 書房同大人睡房。後黎到bb出世, 我地就唔比佢入睡房。我大肚個陣成日同茶茶傾計, 話比佢知第日將會有小妹妹, 佢做大姐姐要照顧妹妹。可能佢性格樂天, 所以都好鍚妹妹。而家妹妹兩歲大, 我地都開放返間睡房, 等茶茶可以入黎嘆冷氣! 要佢地和平相處, 狗性格當然重要, 但都要做一個公平既家長。我朋友話茶茶覺得自己係大, 妹妹係要聽我話! 哈哈 我好公平, 妹妹食餅個陣, 茶茶都會有餅食。我地出街會帶妹妹, 雖則茶茶留守家中, 但妹妹都要先餵茶茶先可以出去, 仲要同茶茶講拜拜。 坦白講, 偏心自己親生bb一定會存在, 但狗狗會明白, 只要你地做得公平, 佢地會會好樂意接受呢位新成員。 我覺得我茶茶不但無令妹妹皮膚或者氣管敏感, 反而令佢學識愛護小動物。
回覆刪除其實你可以買門欄放0係房門(荷花, jusco有), 咁0係房開冷氣時唔好關門, b頭0係門欄外都可以涼到冷氣, e+大熱天時, 佢又係長毛種(雖然剪短0左), 無冷氣真係幾攞命0架~~ d 門欄可以加長, 如果間廳都 ok, 因為係 movable 0既, 可以去下面睇0下個樣, 類似呢 d http://www.mamabebe.com.hk/dreambaby1.html
回覆刪除cary, 希望你快D諗到點分隔開B頭同baby嘅活動範圍,等B頭慢慢適應你baby,寵物一定可以同baby共存架.
回覆刪除有無o的狗屋安置佢ar~
回覆刪除B 頭應該會好錫Baby既 ......我好期待Baby既來臨呀.... 倒數中.......
回覆刪除我覺得佢地真係會呷醋架，得意仔呢個禮拜瀨咗幾次尿啦，激死我老公，我覺得佢想我地理佢多ｄ，希望到時可以一家人相親相愛啦
回覆刪除我娘家都有隻小狗叫pizza妹妹(西施), 又係好惡! 但成屋人佢淨係咬我爸爸! 佢唔鍾意細路(因為佢地嘈), 隔離屋有個妹妹出街, 等lift時叫佢, 佢都係咁起勢吠人 可能由細到大見嘅都係大人, 又少出街! 所以我都擔心第時小寶寶俾媽咪湊時, 佢會唔會咬佢呢~~ 我朋友就教我要同佢傾計, 等佢知道肚裡面有個小寶寶, 出咗世你要鍚佢, 唔可以咬佢恰佢...... 我返親娘家都會捉住佢同佢講一兩次架~~ haha... 希望佢明我講乜啦!
回覆刪除ｂｂ出世之後唔好冷落ｂ頭．比ｂ頭知道你o地都仲好錫佢，唔好令佢呷醋．慢慢ｂ頭就會鍾意ｂｂo架喇．
回覆刪除未生小瑤B前我隻狗狗都係同我地同床瞓, 小瑤B出世之後就再沒有了, 不過佢仍然都係同房瞓. 除左bb房有用圍欄之外, 我地都無限制佢既出入. 我相信動物同bb係可以共處的, 最重要係主人肯付出更多既精神和耐性.
回覆刪除你而家同佢講多d, 教佢多d, 希望佢會明白 我屋企都有2隻兔兔, 都係由細養到大, 唔捨得俾人架, 所以而家成日都同佢哋講, 第日妹妹豬出來唔準蝦佢, 如果唔係妹妹豬會扯佢哋條尾
回覆刪除我媽咪屋企都有我老公隻狗bobo係度, 不過好彩佢係唔咬人, 又好鐘意同陌生人玩, 如果唔係就要想地方安置........
回覆刪除