各位~~~ 今次係詐糊~~~ 
!!!
可能只係咁啱有d規律嘅宮縮, baby仔未出世~~~
一早7點幾8點去到QE, 話比姑娘知無穿水見紅, 但係肚痛左兩日, 今朝隔15分鐘勁宮縮肚痛, 攪手續, 入左院, 姑娘都無CHECK過我有無開子宮, 就駁機CHECK BB心跳同胎動!!!
我一心諗住睇下子宮頸有無開咖嘛~~~ 所以問姑娘啦~~~ 佢話睇我個樣咁輕鬆唔似有開喎!!! 
唔通一開始開就會好勁痛??? 唔係有D人唔覺唔覺就開左好多度咩??? 定係子宮頸開多數會見紅??? 我又無見紅, 所以更加唔似???
總之, 原本我做好心理準備比佢CHECK, 點知唔洗CHECK??
BB心跳同胎動都好正常~~~ 駁左大約30-45分鐘機, 就帶左我去張病床, 醫生按下我個肚, 叫我自己數下會唔會痛密左OR穿水OR見紅!! 咁就想走開喇~~~~
我追問佢, 咁我咁痛法係咪即係生得??? 佢話, 15分鐘一次, 都差不多咖喇~~~ 如果再痛密D就出聲啦!!!
就係咁, 就無人理我喇~~~ 威威就只可以係個"婦產科"病房出面等我
!!! 我都出左出面搵佢一陣~~~ 然後, 好眼瞓, 佢叫我入番去病床瞓下啦~~~
入到去病房..... 又熱又嘈.... 好多做婦科手術嘅阿婆同C奶係度吹水~~~ 唉~~~ 張床又好唔舒服~~~ 快D生得啦~~~ 快D去產房啦~~~ 係我當時嘅願望~~~ 
最大鑊就係: 我個子宮唔再收縮喇~~~ 我個肚唔痛喇~~~
!!! 係咪玩野呀??? 阿仔????
捱左一個鐘頭~~~ 都無再肚痛
!!! 咁即係唔係生得啦???
我又無見紅穿水..... 唔知道要等幾耐呢???
已經兩晚瞓唔好.....好眼瞓好攰..... 又嘈..... 又唔知道BABY幾時先真係出世....想佢痛多D密D又唔痛.....又掛住老公....... 就快發顛
!!!
CARY最憎嘅事: 就係等
~~~ 我真係超無耐性~~~~~~~~~
結果, 我決定同醫生申請"出院"~~~ 我話我一D都唔痛左成個幾鐘頭!!!! 醫生眼都大埋, 吓~~~
, 你入左黎一陣咋喎~~~ 再觀察下好D喎~~~ 你15分鐘痛好可能等陣痛得密D就生得咖喇喎~~~ 咁你又要再入過院喎...................
佢好好心機咁講左好耐, 我乜都唔想聽
, 淨係話要出院同老公返屋企瞓覺~~~~ 我話總之我有見紅穿水, 或者真係超密超規律嘅陣痛我會再返黎喇~~~個醫生都無辦法, 就放走左我喇
於是, 威威先生就好辛苦咁帶住個好重嘅走佬袋, 同我用左一個上晝, 遊左QE一轉喇~~~ $49埋單, 當實習左一次啦!!
其實, 我地已經開始排緊"二等房"喇~~ 如果我真係留低觀察, 跟住呢一兩日生得, 應該有得轉!! 不過.... 我真係好掛住屋企.... 掛住威威.... 寧願真係生得先入院, 最好直接入產房添~~~~
BABY, 如果你真係出世就乖乖地見紅加埋好密集嘅陣痛喇~~~ 我唔會再輕易咁入院喇~~~
GD NIGHT喇~~~ 我要瞓下先!!! BYE~~~~
如果真係要去到好密集嘅陣痛時至入院我驚你行唔到咋(我果時同你情況一樣係朝早痛囉,但痛到下午已經頂唔順,係張床度碌黎碌去(一直都無人理我架,又無得探病喎)一直痛到深夜先有人理咋(果時先至開2度咋)又要等又要痛.......... 放心啦,你會好順利
回覆刪除睇完呢篇網誌...屎....唔知寫咩好. 好鬼緊張. 唉... 我都開始有宮縮跡象,同埋下盆開始痛. 個肚又成日硬. 入了2/5, 唔知係咪就生呢? (ps> 保重! 加油! 大家咁話)
回覆刪除響我痛到頂唔順時,子宮都仲未開....我已經要打止痛藥, 到我痛到冇乜知覺時姑娘先話開左兩度 開頭真係開得好慢,不過我由三度到十度時只係半個鐘左右 (我total痛左十二個鐘,你自己計啦...) 可能聽完會好擔心,但聽多點有多點心理準備都唔係壞事呀 ANYWAY,希望你順順利利生個肥肥白白既豬仔啦 等住睇相相啊
回覆刪除放鬆d！但你個bb都幾頑皮，但萬事要小心,唔好攪到好mom先去醫院！或許他要做回歸BB?（我直覺你唔會超過7月3日生的！）休息一下啦！
回覆刪除It's normal ah, you can have pre-contractions! I had that when I was only 7 months pregnant, so that wasn't good. Yet, for your case now, it's a preparation for your real delivery. Take some rest, and I'm sure it won't be long before you get to see your lovely baby.
回覆刪除做左詐糊呀!? 聽你甘講真係幾難分真陣痛定假喎... 總知近來你都要自心d, 真係要隨時待命! 希望你生產順順利利!yeah~
回覆刪除i check your blog everyday in sweden, really 心急...but...BB want to wait for me!?? haha, no worry, i will be back in HK on 1 JUL, BB is coming ga la~~
回覆刪除搞到好緊張啊, 真係唔知點分喎 我呢幾日宫縮都密咗同時間長咗啊, 但又唔痛喎, 只係轉身時好唔舒服,要超慢動作, 但唔郁耐咗一邊身又會麻哂.以家真係想佢快D出世啊.
回覆刪除咁你要抖下養足精神la,sit back and relax~~希望你瞓得好啦!!
回覆刪除我問十個生咗既朋友，十個都同我講陣痛果種痛，你係好明顯會分別得到架喎.... 我尋日都去咗QE一轉喎...如果我唔係要求出院，我諗我今朝會見到你呀..
回覆刪除我都係在QE生架....我果時見紅go to hospital.....不果一d painful都冇呀....在醫院wait左2日都冇painful呀....100%悶......果時仲係x'mas,我個聖誕同平安night都係在QE過....好好好悶.....最後BB在27-DEC同我say HI...... 我好白WAIT的辛苦....又冇老公陪....真係好慘.....所以我老公日日一起身就來....因佢唔入得找我,我咪走出去,兩個人坐係LIFT口傾計lor.....又或者走落去QE樓下間7-EVELEVEN行下lor....
回覆刪除哈哈！咁你好有機會呢一兩日生喎！我生卓蔚時都係咁，食咗一次詐糊，9號入院，10號出院，11號半夜入院，12號早上生咗。好好休息吧！
回覆刪除傻媽媽...你係作動喇...做咩出院? 轉個頭咪入番去... 我0個陣都係淨係痛入院, 到你好痛先入院, 而咁啱產房好full0既話就弊, 因為你痛好耐都冇人得閒理你, 你要記得0個度係政府醫院...乖乖地留0係醫院啦...你好明顯呢一兩日生得...信我啦... 小威威...熱切期待你出世...
回覆刪除哈哈...完全同意blog友angel所講, 因為我同你情況好鬼似, 我瞓0係醫院張床, 痛到碌來碌去...叫都叫唔出聲...到你真係生得, 我唔知你可唔可以行落樓...cary下次有少少陣痛, 好乖乖地入醫院...
回覆刪除我都好擔心唔識分幾時至生得......
回覆刪除你唔好太過擔心同緊張啦...因為你成日諗住佢幾時出世，所以卑左個無形壓力自己，噤樣都會令你肚實實同子宮收縮痛嫁... 你宜家應該多D放鬆自己心情，唔好諗得太多，多D同BB傾計，同佢講：BB,你放心啦...爸爸媽咪已經準備好曬所有野，你可以放心出世嫁啦...一來可以等你放鬆下D心情，二來等BB知道爸爸媽咪都準備好等佢出世...噤佢就會乖乖見大家嫁啦... 因為之前有醫生同我講過，如果你越擔心佢幾時出世，佢就越難出世，因為你心情緊張，唔能夠做到放鬆自己，係生唔到嫁...但相反你能夠做到放鬆自己、放鬆心情，BB就會係適合既時間出世嫁啦... 我有朋友因為太過緊張呀，入院見左紅2日都生唔到，攪到醫生叫佢老公黎帶佢去行街飲茶放鬆心情...之後一返醫院就生左啦... 記住平常心啦...自己萬事小心...係到祝你事事順順利利、BB健健康康、肥肥白白...
回覆刪除可能我係入院催生，冇你地講得咁痛喎~~ 但作動果陣開始時就真係好似 M 痛重少少，之後會越來越痛。Cary 你放鬆 d 心情啦，會唔會係你形住就生得呀？如果 BB 真係出黎既，佢一定會比多 d 提示你既，努力呀~~~ 等緊你好消息架！
回覆刪除我生軒軒時就痛到死~仲要3分鐘一次~~咁就幾個鐘搞掂啦~~ 你生完說我知~我帶軒軒來探你呀~~(當然在我放假哪天啦)
回覆刪除我都係試過一次見紅入院呀 , 不過我訓左一晚就返左屋企啦 , 因為醫生話見有跡象生住喎 , 同埋醫院個排好多大陸人生bb呀 , 所以叫我出院等喎,不過過左一個禮拜又入院啦 , 今次就真係生左我個女
回覆刪除我都食左2次詐糊先得瑤瑤, 我估你下次就會中, 同埋會好快~~我都十分明白你既感受, 差唔多生得果一個星期真係非常感到不自然, 但係你放心喇, bb 一定會好好錫住你既, 但係你真係唔好等到見血先至入院呀, 睇定的陣痛, 我痛左成6,7個鐘我先至入院, 都係每10分鐘痛一次, 但係我入院都要住左一日, 同醫生講我好累痛到, 佢先至同我穿水long, 咁我就好快生到瑤瑤...... 放鬆心情, bb 會知道佢幾時出世架喇..我地梗係希望舒舒服服生仔喇, 但係有邊一個媽媽咁如願與常丫~~~努力加油, 比的耐性, 我同瑤瑤支持你~~~
回覆刪除記住帶DS口係身呀! call me when wake up la
回覆刪除就快生得係呼好緊張呢? 加油呀.
回覆刪除哈哈....詐糊咋
回覆刪除唉~~ cary我同你一樣, 一到夜晚個肚總係有dd痛咁........ 有時仲要痛醒左, 每次我同自己講, 再痛就去醫院就會唔痛 都唔知想點
回覆刪除莫非大肚婆都係任性d？ 我家姐到穿水都唔敢出聲，係人地發現佢坐到張sofa濕晒先拿拿聲去醫院
回覆刪除