37week 產檢

尋日又見左私家醫生喇~~~~ 見完先至去送loulou嘅~~~

今次醫生又無話baby過大喎~~~ 唔通佢上次心情唔好~~~ 嚇c我~~~

不過, 今次baby嘅size只係大過edd predict嘅1個week~~~

baby已經有3438g, 即係差不多7磅半喇~~~

而個頭仔亦都落左一半, 我問醫生咁即係我個盤骨夠唔夠闊比bb過, 佢話未可以好sure, 遲多少少再conform好d!! 不過, 應該都ok, 佢現階段唔會覺得我有需要開刀!!

好保守嘅講法呢~~~ 不過, 我就全部當係真咖喇~~~  我地亦都同佢講左唔洗開刀, 我就會去QE生咖喇~~~

而佢亦都話胎水OK, 胎盤就係子宮上部, 唔洗擔心~~~ 另外, 臍帶亦無係BB頸部!! everything's fine~~

bb而家已經好迫喇~~~ 個頭仔縮住係膊頭, 成個曲住, 好典型嘅bb姿勢!!!!!

我個肚成日有舊野頂左出黎, 有時整到我好痛, 我問醫生嗰個位係乜, 醫生confirm左係baby隻豬腳仔~~~ hehe~~都話出世要咬下佢隻腳仔先得~~~

醫生約一星期後覆診, 撞左公眾假期, 所以改左7月4日~~~ book完我就諗.... 唔知道baby會唔會已經出左世唔洗再去呢???

哈哈~~~ baby, 你早d出世, mami同dadi可以比少d錢私家醫生呢~~~!!!

不過, 順其自然啦~~~ 聽日又要去QE喇~~~~ 而家真係一星期去產檢2次呢~~~ 好忙呀~~~~ 仲返緊工嘅MUM TO BE, 你地點攞咁多假去產檢呀???