落樓下, 玩玩玩^.^

仔仔豬而家好鐘意行行行, 屋企已經比佢一日行暈幾廿次, 耐唔耐自己就會行去門口, 攞自己對鞋仔比mami, 問吓有無得落街玩!!! 好彩有時我話唔得呀, 因為乜乜乜, 太熱喇!!! 太曬喇!! 佢都無扭計, 會放棄去玩第二樣野先~~~ 轉頭又再試吓咁啦!!! 哈哈!!

於是, mami而家每日大約10點, 唔係太曬時, 就同佢落樓下個小型遊樂場, 等佢行吓爬吓玩吓啦~~~

嘩~~~ 呢張好大個仔呢~~~ ^.^

小珏霖嘅favourite係呢個hole!!!

次次都要爬上黎~~~

開頭好難先爬到咖, 而家爬得多, 好快就成功喇!!!  

又好鐘意係呢3個圓形同mami 玩 peekaboo~~~

傻豬~~~ ^$!!!

玩呢個搖搖板都好lumlum~~~

哈哈~~~ 成頭濕晒喇~~~

好熱呀~~~ mami~~~

呢個係伸手比mami求救要落黎嘅醜怪樣~~~ ^.^

又玩吓馬仔先~~~

其實我地個遊樂場仔都幾好咖, 因為得兩座building可以去玩, 少人d, 無咁雜同dirty!!! ^.^

個遊樂場一邊for細bb, 另一邊係for大d嘅小朋友!!!

呢條野就係比大b爬上去咖喇~~

傻豬霖就係玩跨過佢嘅~~~

好努力扶住, 一步步跨過~~~

懶勁嘅傻笑樣~~~ ^.^

佢成日都伸手比mami要mami拖住行, mami就向後行, 等佢追吓我!! 自己行多d~~~

又好鐘意地下d落葉!!! 有時行行下會蹲低摸下地下, 執下樹葉, 我都由得佢咖~~~ 返屋企就要換晒d衫, 冲個涼先喇~~~ ^.^ 

而家仲可以放佢自己玩slide!!! 滑落黎之後, 佢多數會行番上去!!!

又一次求救喇~~~ 哈哈!!! 好啦~~~ mami唔掛住影相相喇~~~ 陪你玩啦~~~

ps: dadi已經病左3日喇, 仲未好番晒, 而且反反覆覆咁.... 今日返左工好辛苦!!! 又再睇左次政府醫生!!! 食完藥仲差左.....

今晚又再睇多次私家醫生... 唉... 好陰公呢.... 仲病過今日去救嗰d病人呢... 乖啦!!! 休息吓先啦!!! 我知你唔想請病假, 但係都無辦法啦!!!

唔好怪自己病啦~~~ 你自己都唔想咖嘛!!!

快d諗多d開心野, 諗吓好番同我同仔仔豬去邊度玩啦!!! 乖乖乖~~~

我同仔仔就可能plan緊返外家住比dadi抖吓瞓吓!!!

總之希望大家都健健康康啦~~~ d病毒咁勁嘅??? 真過份!!! 快d好番舒服舒服!!!!! 乖乖乖~~~    呵番~~~

2008.7.26 幼潛last堂大測試!!!

多得爺爺嫲嫲今日揍住仔仔豬, 比好番少少嘅dadi威今日瞓多日, 同埋比mami休息一天~~~ 抖吓條腰骨先~~~ ^.^

今日下晝mami自己好嘆咁去左library慢慢研究吓d書, 再搬左12本書返home!!! 

然後.... 有時間整理番幼潛d相!!!! 雖然, 有幾堂都未補寫, 不過都係決定寫左last一堂大測試先啦~~~

好啦~~~ 入正題喇~~~

7月26日, 係last一堂幼潛喇~~~ 可惜dadi要返工, 得我一個揍左阿仔出去, 仲要唔記得叉相機電 >.<~~~ 所以, 唔係影左好多相咋!!!

最後一堂, 原來係逐個逐個bb去ee度大測試!!!

其他bb就自由活動喇~~~

一開始, 任玩玩具~~~ 7個bb放埋一堆!!!

小珏霖呢日好早起身呢, 狀態一般啦~~~

百厭豬玩左一陣玩具就去玩爬櫈喇~~~

有個搖搖板比佢地玩呢~~~睇吓明德仔玩得幾開心！！！　

珏霖就唔多鐘意玩呢個喇!!! 佢鐘意玩爬番落黎多d!!!

ee又開左條隧道比佢地爬爬~~~ 珏霖見小吉爬左入去喇~~~

拿拿臨爬黎呢面~~~ 以為佢想等女朋友仔出黎啦!!!

點知..... 哈哈!!!佢9秒9爬左入去~~~ 攬住小吉??? 喂喂~~~ 你兩個洗唔洗咁呀????

睇吓大測試緊嘅小朋友先~~~ ^.^ 仔呀仔~~~ 一陣到你咖喇!!

阿仔一d都唔緊張, 仲走去tickle baby killer!!! 哈哈~~~

又同angus仔一齊玩櫈仔~~~ 仔呀~~~ 你大個仔仲有好多好多test要面對呢~~~ 如果次次你都可以咁relax就好喇~~~ ^.^

哎呀~~~ 梁ee嗌名喇~~~ 測試開始:

(1)比左個膠樽仔佢先~~~ 再比d細細粒積木仔佢

放d積木入去, 無難度啦~~~ ^.^

再倒番出黎, 都pass喇~~~ 諗番起開頭仔仔豬係唔識倒番d野出黎嘅呢, 不知不覺又學識左喇~~~ ^.^ 

(2)比支木棍佢, 插落個hole!!!

仔仔豬好專心呢~~~ 先用左手, 成功!!! 好野~~~

ee叫佢試吓用右手, 都pass喎~~~ ^.^ goodgoodgood!!!

到細支嘅呢??? 都插到呀!!! 仲好8卦咁睇吓隔離小吉玩緊乜呢!!!

點解笑到梁ee同mamy傻左咁呢??? 唔記得添....

(3) 最後一樣, 就係睇吓識唔識拆包裹食mummum喇~~~

仔仔豬有一堂唔舒服無上, 嗰堂就係玩呢樣喇!! 所以, 其實佢從來未試過呢!!!

mami部相機影埋呢張就無電喇!!! (唔該晒西米ee幫我用我部機影左咁多呀!! 仲有d係你部機未攞添.... ^.^ 你知我幾懶上msn咖啦~~~ =p )

好喇~~~ 開始喇~~~

ee先打開個紫色包裹, 內有膠coin一個!!!

話比佢知, 打開有mummum~~~ 點知佢唔開!!! 仲想爬走添!!!

跟住, ee唯有係佢面前放粒星星餅入去黃色紙, 再包好!!!

呢個為食豬就立即9秒9打開左黎食喇!!! 哈哈!!!

梁ee再test佢, 再放一粒落去另一張橙色紙, 然後比紫色同橙色仔仔豬揀, 哈哈!!! 個豬仔二話不說, 就攞左橙色包裹, 立即打開, 食左粒餅餅, 由頭到尾都對個紫色一d興趣都無!!! 哈哈!!! 唔通真係知道唔食得???

ee話佢好叻叻呀!!! 小肌肉發展得好好!!!

而且理解能力同表達能力都好好呢!!! 我話可能因為mami口水多, 同佢日講夜講~~~ 哈哈!!!

總括大測試全部pass!!!! 叻豬~~~

梁ee仲話下期都見到我地個名喎!!! ^.^我話係呀~~~ 星期二下晝呀!!! 係咪你教呀??? 佢話佢地而家仲傾緊呢~~~ 如果係就好喇~~ ^.^

唔該晒tamama email左張證書大合照比我~~~ thanks!!! ^.^

仔呀仔~~~ 你人生第一個畢業呀!!! ^.^ 將來仲會有好多好多!!! ^.^ 加油呀~~~ 希望每一個都咁輕鬆咁順利咁開心啦~~~

2008.8.2 攰爆@契媽home

好耐無試過星期六起身, 無節目!!!

因為上一期幼潛已經畢左業喇!!! (哎呀~~仲未post番好鬼多堂幼潛d相添呢..... >.<~~~)

下一期原本我都無報咖, 點知.. 有0707 bb組好左8個一group, but 突然有一個bb要移民上唔到, 於是, 仔仔豬又有位可以上多一期, 8月19日開始!!! ^.^

dadi威尋日瞓左一日, 都仲未好番喎!!! 今日再去睇多一次醫生, 陰公.... 病到c吓c吓咁呢!!! 仲要返左去做左陣野!!! 唉....

而我地一早就約左去契媽home dinner, 打算同仔仔豬兩個去啦, dadi又話都好d喇~~ 佢都有d野要過海做, 一齊去啦咁.... 結果, 都係好唔c服呢, 我地食左飯好快就返左home喇~~~

dadi dadi, 加油呀!!! 快d打贏仗啦~~~ 見你仲有咁多野要做, 又成日心掛掛咁.... 唉..... 我都唔知道可以點幫到你呢!!!

乖乖啦~~~ 唔好諗咁多, 唔好理咁多野, 好好休息啦!!! 瞓埋今晚聽日起身舒服舒服~~~

無左dadi幫吓手, 我自己同隻小馬騮由朝行到黑!!! 攰c我喇~~~

真係一起身就拖我隻手指落床行呢~~~ 行出房, 行去走廊, 唔比入廚房, 自己用手say no, 然後又行番出廳!!! 再行去走廊, 再係廚房門口自己no no~~~ 再行番出廳~~~

哈哈!!! 不停咁repeat呢~~~ 我地間屋又唔係大, 真係行到頭都暈埋呢!!! 好快又要轉彎, 好快又要掉頭!!! 正一傻豬!!!!

所以mami襯今朝唔太曬同佢落左去樓下playground仔玩左一大輪!!! 夜晚就去左契媽屋企行行行!!!

哎呀~~~如果樓下有有冷氣嘅playroom or clubhouse就好啦~~ 有時好想同佢出街行吓, 但係又真係好熱好曬..... >.<~~~ 無計喇~~~ 仔!!!

今晚d dinner相係契爺部相機呢~~~ 後補啦~~~ ^.^

post番前晚我地一家嘅自拍先啦~~ ^.^

我都去休息喇~~~ good night~~~ ^.^

希望大家都健健康康啦~~~

2008.8.1 又blog聚@clubhouse^.^

仔仔豬識行嘅第二日, 雅妮媽咁啱約左我地去上次玩得好happy嘅bb cinema同clubhouse blog聚呢~~~

今次blog聚有雅妮, rihanna, 李家兩個寶貝同埋天使仔tobia呢!!

小b組:

大b組:

去clubhouse玩呢個活動真係超級適合呢個開始可以自己行又好想好鐘意行行行嘅小珏霖!!!

有好安全嘅地方任佢行住佢爬同explore!!!

又有好多好多玩具~~~

 

同埋唔同嘅設施~~~

阿仔真係玩得好開心呢~~~

1點幾去到, 玩到6點幾, 早途瞓左大約一個鐘頭, 食完dinner又再行吓!!! 我諗佢今日應該加埋加埋有行左幾個鐘頭, 真係周圍玩左好多個鐘呢!!!

哎呀~~~ 即係cary mama就陪住佢行左幾個鐘頭!!!  攰c人喇~~~

果然係一識行就更加看牛仔~~~ 成日陪住佢周圍行, 周圍研究~~~ ^.^

最慘慘就係dadi威打敗仗呢..... 陰公.... 尋日開始有d咳, 今日起身仲發燒呢..... 重感冒呢.... 醫生仲話怕佢會肺炎呢, 好彩瞓左成日退左燒喇!!! 擔心c人.....

下晝, 我同仔仔豬就照出發去blog聚, 寧願比dadi清清靜靜咁休息吓, 好過一齊係間屋困住!!! 老公呀老公~~~ 快d好番啦!!!

多謝mrs.lee一家黎車我地去同返home, 同埋成日照顧住我地兩母子呀!!!

仲有多謝天使mama嘅禮物呀!!! 下次唔好喇~~~ ^.^

無dadi威一齊去做photopBaba, 我呢個好忙碌睇住隻小馬騮嘅mami影唔到好多相呢!!! post少少小朋友一齊玩嘅相啦:

雅妮share strawberry w/珏霖!!!

tobia & 珏霖share車車~~~

霆霆hughug珏霖~~~

君賢同珏霖share apple~~~ 哈哈!!! 你一啖~~~

我一啖~~~

呢個bb女同仔仔豬同年同月同日生呢~~~ 不過大佢幾個hour!! ^.^ 3個bb其實係食緊卡樂b什菜條!!!

一個爬上一個爬落~~~

一齊戴手鍊~~~ ^.^

睇吓tobia個樣幾lum~~~ hehe~~~ 貪靚豬豬!!! (cary ee要讚吓你今日好乖好乖呢~~天使仔!! 愈來愈叻叻仔呢! ^.^)

一齊瞓覺覺豬~~~

仔仔豬咸豬手~~~ (妮媽好似影到唔同嘅呢~~~ hehe~~~)

兩個仔仔成日想出出面玩呢~~~ 一齊合作開門!!! ^.^ 當然唔成功啦!!!

我地嘅合照..... 我得呢張咋~~~

仲有妮媽得到超級勁鐘意珍貴禮物嘅興奮樣~~~ ^.^ 

last嘅團體相我部相機無電喇~~~ 無同第一次見嘅之之姐嘅相添!!! ^.^

等你地各位honey update啦~~~ ^.^ (今次睇怕都係我最勤力交功課啦~~~ hehe!!!)