仲可以揹幾耐???

一直都好想影低我揹住呢隻大大隻嘅扭計豬寶貝lum嘅相~~~

不過, 每次要出動呢條揹帶揹佢時, 一定係傻豬仔好眼瞓, 而dadi or姐姐又揹住左妹妹之時~~~

多數都係搭車搭的士搭巴士前, mami知道lumlum一定會瞓, 就決定揹住左佢先, 免得跟住抱住個瞓著左軟綿綿仔仔豬時, 無手幫手攞野不特止, 仲會抱到手都斷!!

咁嘅情況又邊有人得閒幫我影低呢..... =p

所以先要多謝uncle球生日會後幫我影左呢張~~~ ^3^, 仲有好多好多靚相, 我一有時間整理好, 一定即post出黎!!! ^.^

好多時, 隔離屋or管理人都會問, 咦, 點解唔係dadi抱個大, mami抱個細嘅???

咪因為呢隻仔一定要mami抱先瞓.....  

話時話, mami買呢條揹帶時真係無諗過係要黎揹大寶貝嘅, 一心諗住係揹妹妹only!!!

不過, 可以借吓力, 真係好正~~~ ^.^ 我問過lumlum豬個大脾痛唔痛咖??? 佢話唔會痛喎!!!

有巴士阿叔見我揹lumlum, 同我地講左好大篇小朋友唔可以寵.......我都係想佢好好地瞓著~~~ 而我又成功容易地落到車咋!!! ^.^

某一晚, lumlum豬小朋友係床上面扭扭扭, 扭呢樣扭嗰樣, 扭左個幾兩個鐘頭都未瞓著.... 到扭mami抱住佢攬實我之時....

腦入面飄出一個..... 哎呀!!! 仲可以攬幾耐呢???? 嘅念頭......

仔呀仔??? 你仲會比mami攬到咁實咁實幾多年呀???? 仲會比mami條揹帶揹幾多次呀???

咁就3歲喇~~~ mami覺得好唔捨得你大個咁呢.....

呢星期你扭扭扭計到mami同dadi嘅所有耐性都用晒咁濟.....

乜都扭, 乜都喊一大餐, 樣樣都唔肯合作... 甚至特登再做多d我地話唔好做嘅野....

今晚直程一啖飯都無食過..... mami要落左街你先冷靜落黎..... 而後果就係連夜晚嘅奶都無得飲.... 睇住你喊住請mami唔該mami開奶比我啦.... 真係好心痛!!! 不過我又知道一定要堅持, 先教到你對自己嘅行為負責!!! 希望你以後乖乖食飯啦

一定係一個過度時期, 知道你之後一定會變番乖乖豬.... 希望.. 快d啦!!

請天主再賜多d再多d耐性同心機比我同dadi~~~

快d去休息, 明天會更好~~~

ps: 雖然你扭計仔, 不過mami dadi都係好愛好愛你咖~~~

ps:　是晚化無奈為努力, 上左好開心搵得到嘅POTTY書同埋新到 BROWN BEAR平裝書!!! ^.^
http://www.lum-smart-family.com/list.html?pcat_id=2609e98a7ac09903eef739fdcbe966d8