11/7 day 5
初生BB病房d bb一人一張推推床!!! 排排瞓~~~
澄澄隻種左豆豆嘅手仔!!! 出世第二日就種左喇!!! 開頭真係心痛c人, 又成日怕整到佢會痛, 餵佢奶奶都就住就住!!! 但係發現佢真係可以自己fing黎fing去都無野嘅呢!!!
唔知道佢會唔會以為自己隻手仔係咁嘅呢???
好多mami迫係人奶房餵mama milk!!! 好彩我之前買左d哺乳衫, 可以好方便咁餵到妹妹!!!
12/7 day 6
比dadi攪醒, 仲未瞓醒晒嘅妹妹!!!
探期係6-8pm, 而餵奶奶時間就係6:30pm開始!!! 所以每次都係dadi入去攪吓佢, 抱吓佢, 換吓片片, 等佢醒左, mami就接手入去餵佢!!! ^.^
mami餵奶奶時影低左好多video同相, 要黎返屋企泵奶奶時睇番, 出奶好多咖!!!
埋身食完mama milk之後, dadi都會入去再餵佢一支泵出黎嘅奶樽mama milk, 我地怕佢唔夠飽到下一餐, 自己喊喊喊就慘喇!!! 多數食完好飽飽好好瞓, dadi自己玩影相!!!
臨尾有時間比mam入番去再攬吓佢, 呢日瞓到好lum喇~~~ ^.^
13/7 day 7
又出發喇~~~ 日日都的士去, 的士返, 真係搭左好多錢呢!!!
不過都無計啦, 坐月中, 又有傷口, 又腰酸背痛, 都係的士適合d!!!
瞓緊嘅妹妹~~~
兒科醫生話見到妹妹隻腳仔有少少向內彎, 好少問題, 應該係胎位問題!!! 即係係我肚入面習慣左向入, 所以出到黎都偏向內!!!
搵左物理治療師睇過佢, 幫佢taping, 佢而家隻腳仔咁軟, 痴左一兩日都normal番晒lu!!!
其實係醫院有咁多人睇住, 小問題都醫好埋, 都好嘅!!! 而且又check埋黃!!! 唔洗我地出出入入健康院咁多次!! (自我安慰中.......)
dadi & 澄澄~~~
14/7 day 8
去到都係瞓緊!!! 其實去到次次見到佢瞓緊, 知道佢真係好好瞓都安心好多呢!!! 有時自己係屋企都會諗吓, 個女而家做緊乜呢??? 一定唔係自己係度喊喊喊無人理啦!!! 希望係瞓得好好!!!! ^.^
哈哈~~~ dadi威話爆晒片影左比我睇!!! ^.^ 人奶屎屎!!! 有渣嘅!!!
個女瞓左~~~
dadi就影吓佢d手指仔!!! 佢d手指修長過mami我呢!!! 好女仔呢!!! ^.^
大手小手~~~ ^.^
sweet sweet~~~
妹妹d手指甲好長喇! 不過初生bb唔剪得咖, 佢地連埋d皮生埋一齊, 剪左怕佢會損會發炎!! 怕佢整親面就戴手套仔!!! 大少少先剪!!!
^.^
15/7 day 9
竟然有姑娘主動幫dadi同澄澄影相!!!
可能見呢個傻佬日日自己同個囡係咁自拍!!! hehe~~~
mami努力泵出黎嘅mama milk!!! ^.^
好快又比妹妹飲晒~~~ ^.^
呢日妹妹甩左臍帶喇~~~ dadi攞左返黎紀念!!! ^.^
傻妹妹~~~ ^.^ mami dadi好掛住你呀!!!
日日都好似又有唔同樣咁呢~~~
ps: 而家日日都期待接到qe電話, 話: 報告出左喇, 你囡囡可以出院喇!!! 你地隨時黎接佢啦!!! ^.^ 最遲就星期六走得, 呢兩日都有機會!!!
dadi又同lumlum豬出左街喇!! mami就係屋企泵泵泵, 休息同埋期待ing 電話到~~~ ^.^
沒有留言:
張貼留言