抵讚~~~

多謝老公呢期嘅努力!!!

真係一定要讚吓先得呢!!!

其實由我未生開始, 已經係好幫得手喇!! 好努力去同lumlum豬愈來愈friend, 有時間就會同個仔兩個搵地方周圍去, 比d時間我休息, 又等佢地d時間容易過d!!! ^.^

仲晚晚幫我按摩, 因為陀住個大隻妹真係腰酸背痛到傻呢~~~ 仲有好多好多 , 又要照顧我前排d產前抑鬱情緒, 真係thanks so much!!!

到妹妹出世時又好快黎到陪產, 今次仲比我咪到隻手咁樣添

到而家囡囡係醫院, 我要keep住泵泵泵奶, dadi就次次陪住我泵(半夜都陪我起身泵呢), set好個廳嘅舒服泵奶位置, 幫手按, 比熱水我浸腳, 入好妹妹d相係電子相簿播比我睇黎刺激噴奶反應, 幫手冲完涼時淋薑水, 總之就好細心, 好識得照顧我呢個坐月mami啦~~~

而家我用緊兩個swing一齊泵泵泵~~~ 出奶順左好多!!! ^.^

唔係好多, 但都愈來愈多喇~~~ ^.^ 繼續努力!!!

總之老公同上一胎比真係好左好多呢~~~ 謝謝你呀!!! 撈~~~ (上胎仲約朋友上黎一齊打機咖... )

今日又同lumlum豬去左契媽契爺屋企玩, mami其實都好想去呢, 不過真係要休息好先呢, 個人都係攰同埋覺得好似好虛咁, 腰骨又好痛!!!

係屋企自己一個泵奶休息等一陣去睇妹妹!!!

有時間再update lumlum豬同契媽契爺玩嘅相先~~~ ^.^