"寶"變"草"??

哈哈~~~ 去到就快生bb嘅朋友仔嘅blog, 見到佢陀住第一個小寶貝, 家人老公愛護照顧有加, 好幸福呢~~~

回想起自己陀住第一胎時都係好多人呵住照顧住, 6299又會特意煮大肚餐煲牛尾湯, 出街去洗手間老公都會拖住送到去門口, 怕會地滑跌親呢~~

而家呢, 大家嘅focus都理所當然係lumlum豬, 同老公去街街時, 成日都要提佢"老公, 你漏左野呀!!!" ~~

嗰日同浚曦mami一齊去dinner時, dadi抱住珏霖行左上酒樓嘅長樓梯, 去到頂都未醒起我呢..... >.<~~~

我就大叫"老公, 你漏左野呀!!! "

漏左個大住肚嘅老婆唔記得拖住呀!!! ~~~ 仲嚇親kitman ee, 以為我地漏左d乜呢!!! hehe!!

諗起唔記得邊個之前同我講過: 陀第一個時係寶, 陀第二個時就變左草!!! 哈哈!! ^.^

不過, 我唔係嬲咖~~~ 唔好話老公同屋企人, 我自己都比陀第一個時粗心大意好多!!! 哈哈!!! 自己都成日掛住個仔唔記得左自己大住個肚, 照抱照坐地下, 成日比朋友話我當妹妹係hipseat咁比哥哥坐住個大肚dum!! hehe!!!!

始終陀住第2個已經有上回經驗, 一d都唔緊張喇!!! 好輕鬆好開心咁陀住!!!

所以, 時間好似過得好快咁!!!

等下星期我地請嘅菲姐姐黎左, 真係要煮多d有營養飯同煲多d湯水比自己同細b補吓先得!!! ^.^

呢兩日假期dadi都要返工, 爺爺嫲嫲揍左仔仔豬, 怕我一個太辛苦!!! 唔該晒~~~

我就乖乖休息吓, 寫吓blog, 準備吓姐姐黎嘅野, 同埋整理埋個大project先!!! ^.^