陀細b 30week 大肚look

眨吓眼~~~ 就已經31week喇~~~

就快5月喇~~~ 仲有個幾兩個月就可以同細b見面喇~~~ ^.^

妹妹呀妹妹~~~ 記住要似mami呀!!! ^.^ 眼耳口鼻, 手指, 腳趾, 皮膚, 氣管全部都似mami就good good good喇!!!

性格可以似dadi多d, 又孝順又乖又鍚屋企人!!! 唔似mami大情大性, 得罪人多, 哈哈!!!

似lumlum哥哥咁食人奶同食野都咁叻叻豬, 瞓覺又乖乖地, 聽話聽教, 好玩又好學就好喇!! ^.^    

最緊要就係乖乖住到足月先出世, 健康平安!!

雖然我地唔係大富大貴, mami做左full time mami幾年無收入, 真係辛苦dadi喇!!! 但係我地屋企係好開心好舒服咖, 到時你出埋世一家4口一定好lum好開心, 樣樣都好好好好嘅!!! ^.^

乖mui呀!!! ^.^ dadi mami哥哥都好愛你好期待同你見面嘅一日咖!!!  

成日都比人話我個肚好大好大呢~~~ 好似就快生得咁呀!!! 都講左幾個星期喇!!! 不過, 日日都好忙好忙咁, 上次影大肚look同量度肚圍係23week嘅事喇!!! 陀細b 23week 大肚look!!! 當時已經係37.5吋~~~ 覺得已經好大喇!!!!

跟住前幾日(25/4), dadi終於有時間同我再影喇~~~

同一件衫, 同一個位~~~ 不過係書房嘅衣櫃已經搬左出廳喇!! ^.^

dadi話: 後面幅相已經話左我30歲!!! 哼~~~

我隻手係話而家細b 30week呀!!!

睇吓~~~~ 好大好大個肚呢~~~

到我量度個肚時, lumlum豬又黎一齊影先~~~ (哈哈!!! 著緊學v v褲呢佢!!! 同埋叉住舊泥膠!!! ^.^)

30week嘅大肚係 ---------- 40.5吋!!!!!!!! >.<~~~ 怪唔之得腰骨咁鬼攰啦!!! 又大左3吋喇!!!!

問lumlum: "妹妹呢?? " 佢就會指住我個肚咖喇!!!

玩mami個bellybutton!!!! 幾開心~~~

鍚妹妹啦~~~ ^.^ 哈哈!!!

sweet sweet~~~ ^.^

影吓個肚先~~~ 好大呀!!! 好肉酸呀~~~ >.<~~~

妹妹呢排好活躍, 成日都踢踢踢, 郁郁郁~~~ 手又郁腳又郁!!

唔知道係咪第二胎真係肚皮薄左, feel到好清楚佢點樣伸手伸腳, 而且摸到佢好清楚!!!

呢期我地嘅遊戲係: 我按肚上d嘅地方, 佢就踢上面d!!! 我摸下d, 佢又郁落d!!! 我連續按個肚幾下, 佢又連環踢我幾下!!! ^.^

真係communicate到嘅呢~~~ 陀仔仔豬時我都有同佢玩咖!!!

生命真係好奇妙, 好有趣呢~~~ ^.^

不過..... 佢咁樣大大腳同埋我個肚大得咁快.... 今次已經見到好多肚紋喇!!! 有d係上胎臨尾失守爆嘅.... 有好多應該係新嘅... >.<!! 陰公~~~ 希望個肚唔好再大咁多喇!!! 妹呀妹, 你已經住緊豪宅咖喇, 乖乖地起碼37week後先同我地見面呀!!! ^.^