2009.4.2 同3姑婆玩@home

而家mami自己揍住仔仔豬, 陪佢玩一日, 實在覺得好攰好吃力!!!

所以, dadi要返工嘅日子, 多數都會搵姑婆陪住or去左曦曦哥哥屋企or帶仔仔豬返爺爺度渡假!!

4月2日, 就係約左3姑婆黎陪我地嘅日子喇!!! ^.^

執好左間書房, 搬左個衣櫃出廳之後, 個細廳又再少左好多位喇!! 如果再好似以前咁放晒lumlum豬d玩具係度, 真係行都無得行咁濟!!!

於是, 我地將電視櫃下面嘅一排櫃執吉晒, 比晒仔仔豬放玩具!! ^.^ (其中一格以前係比b頭頭放玩具嘅呢.... miss u b頭!! )

睇吓佢自己開櫃攞野玩同埋放番d野入櫃!!! ^.^ 唔該晒姑婆陪住佢同幫佢手呢!!!

同姑婆一齊數假提子~~~ ^.^

玩叠高積木~~~

玩matching eggs~~~ ^.^

唔該晒3姑婆黎陪我地呢~~~ 等mami可以煮吓飯, 洗吓野!!! 又陪住仔仔玩, 等我唔洗咁攰!!! ^.^ 

遲d妹妹出世更加要靠晒你呢~~~ ^.^   上次仔仔豬頭兩三個月姑婆都係差不多日日黎陪我地呢!!! super感激呢!!!