點解想攞頂帽要大喊一餐???
點解啱啱wee wee完, 又話要去wee wee???
點解食緊好鐘意嘅魚, 又要扭食雞???
點解餐餐都話要食雞亦???
點解對住mami特別多眼淚, 特別多計扭???
點解成日話返學好好玩, 但係而家起身返學又要喊???
點解著襪著鞋都要扭一大餐???
點解食餐飯, 都成日搵野扭???
點解咁口痕? 成日想搵野食??
點解玩緊呢樣玩具, 又扭要另一樣??
點解成日都喊喊喊到鬼咁大滴眼淚??
點解瞓覺要攪成個幾兩個鐘頭先瞓著???
點解成日都we we wear wear咁聲, 攪到人好鬼忟??? >.<~~~
仲要加埋個妹妹晚晚都醒好多次, mamai又唔夠瞓, 到底...... 我仲要捱幾耐, 呢個小朋友先唔會成日搵計扭, 搵野喊???
SOS..... 救命呀........ >.<~~~
睇番尋日講開妹妹開始伸手攞野玩, 想搵番d相搵左好耐都搵唔到!!!
原來係10月尾嘅~~~ ^.^
仲係短袖衫褲, 而家睇到覺得好似好凍咁呢~~~ =p
比起哥哥, 妹妹未夠4個月就伸手攞野玩, 係早d呢~~~ 係咪真係女仔發展得快d??
叫佢"阿妹~~~ "
就會笑~~~ ^.^ 成日笑嘅bb最抵錫!!!
呢日係我第一次見到佢伸手拉到呢隻公仔, 一拉就會有音樂!!!
好努力~~~
有時會失敗~~~
認真到咀都o埋~~~ 哈哈!!! ^.^
仲有video
ps: 11月新貨:
幫助初生bb視力及專注力發展: 推介: 黑白點卡與輪廓卡
今日先有少少時間, 快d寫番妹妹10日前 -11月9日去健康院記錄先~~~
是日dadi得閒, 一早揍完哥哥返學一齊出發!!!
做4個月大嘅發展檢查同埋打第二支肺鏈球菌針~~~
先同妹妹上磅, 14磅2!!! 比起哥哥4個月大時16磅輕好多呢~~~ LUMLUM豬: 4個月大健康院發展檢查 + 攰
lumlum豬出世時7磅幾, 但係就日食夜食mama milk, 所以, 大得好快, 好長肉, mami辛苦d, 不過就仔仔豬大隻得快d!!!
而妹妹呢, 就出世時大大隻, 8磅幾, 但係呢, 就自動波keep fit!!! 食人奶都係4個鐘頭一次, 每次都唔係食好耐!!! 所以係重得慢d, 亦由75線跌番落去50線!!! ^.^
健康就ok啦~~~ ^.^ 好多朋友出到黎見到澄澄, 都話睇相以為佢好大隻, 原來咁細隻!!! 呃到吓人咁咖咋~~~
發展檢查呢, 就係用件玩具試下佢眼睛會唔會跟住郁, 個頭會唔會左右轉, 再試下佢左右手會唔會揸住件玩具!!! 全部pass啦~~~ 
其實佢而家係屋企已經會自己伸手拉吊住嘅玩具, 而且會揸住牙膠咬咬咬, mami拍左video影左相, 不過成日都無時間post呢!!!
再等多陣就可以打針針喇~~~ 妹妹已經好眼瞓, 我地想hold住佢同佢玩住等佢唔好瞓住!!! 怕佢打針痛醒!!! 不過到佢時都差不多瞓著lu!!!
入到去, 對名, 一拮, 呀大個口, 喊左幾聲, 開始想流眼淚, but已經完成走得!!! 企起身, 拍兩吓, 瞓左~~~ ^.^ 無事!!!
之後我地仲陪dadi攞番張回鄉咭(waiwai, 記住24/11之後有咭攞), ^.^!!
妹妹好叻叻, 完全無打針後反應!!! 之前我地同佢去左醫生度打5合一都係, 好似無打過一樣!! ^.^
下次6個月再去過發展檢查喇~~~ ^.^ 到時已經係2010件喇~~~
ps: dadi呢兩星期去training workshop, 每朝7點未夠就走左, 夜晚就唔知道幾點先返!!! 所以, 樣樣都係我自己攪掂, 好忙好忙咁, 都唔知道做得邊樣!!!
妹妹呢, 夜晚又唔知道做乜瞓得好差, 成日都扭左扭右咁, 扭食兩啖mama milk先瞓番, 轉個頭又醒... 攰c我..... 而且夜晚都鼠唔開去做電腦野.... 要陪住係隔離, 一醒醒地就呵番佢瞓....唔係又嘈醒dadi.... 女呀?? 係咪吽牙仔??
舖頭仔方面, 呢排傾左入左好多好多正貨, 不過都無時間上架!!! 將會多d大個d都啱玩嘅野, 唔係木玩喇今次, 真係覺得好正好好玩嘅呢!!! ^.^ 同埋揀左d啱大家開party做小禮物嘅貨!!!
希望, 我效率高d, 係有限時間做到好多好多野~~~ ^.^
預告:
12月3,4,5日(星期四,五&六) 會係我地倉& Office Opening加<聖誕禮物大特賣>!!
地點遲d先公佈!! 係葵芳地鐵站行到去嘅(5-10mins), 有天橋, 有晒瓦遮頭, 推住bb車都行到去~~~ ^.^ 今次特登連埋星期六, working mama都黎到呢!!!
而且當日除左我地賣玩具, 仲會有其他檔賣童裝, 大家上黎唔洗剩係買玩具咁齋喇!! ^.^ 如果有其他網店想開吓檔散貨都可以contact我地!!! ^.^
原本呢個星期日會去公公婆婆屋企同公公慶祝生日兼去食大閘蟹宴!!!
點知, 小lumlum突然入院, 變左公公婆婆呢日一早黎左我地屋企幫手睇住妹妹!!!
真係唔好意思喇!! 公公, 大閘蟹宴變左做外賣飯盒dinner!!! 
不過都有蛋糕切, 公公話最緊要無事^.^!!!
一家人齊齊整整健健康康真係最重要!!!
唔該晒ee仔由將軍澳運左個cake黎我地間小小屋企!!!
唔知點解公公生日, 仔仔豬有禮物!!!
生日party 開始!!!
happy birthday to 公公~~~ ^.^
妹妹都有份吹~~~ hehe~~~
birthday kisses~~~
偷食時間~~~
好少見到cool公公笑得咁lum~~~ hehe~~~ ^.^
啱啱出院小珏霖一d幾精神!!! 真係駕晒事喇~~~ 多謝大家關心 ^.^
大家齊齊飲多d水水先!!!
傻豬乖妹妹真係成日都笑!!! ^.^ 乖乖~~~
好專心咁睇緊野, 睇乜野呀???
睇住舅父仔同哥哥玩~~~
公公生日快樂!!! 希望你開開心心, 笑多d, cool少d, 哈哈!!!
身體健康, 雀運亨通, 同婆婆甜甜蜜蜜, 仔仔女女孫仔孫女都乖乖聽聽話話!!! 
!!
爸b, love u!!! happy birthday!!!
尋日星期六, 我地打算同仔仔豬去根x園見識吓, 玩吓面試啦!!! 雖然都無打算真係入, 因為如果真係轉校, 我都諗住入收左佢嗰間!!! 都想偷懶唔去咖喇, 但係好彩又同女朋友仔同一時間, 所以當一齊食個lunch見吓面都好啦, 就出左九龍塘!!!
食lunch時, lumlum豬好攰咁,有少少肚痛痛!!!
去到根x園, 得一個家長同佢入去, 我先同佢去小便, 一wee wee完, 佢就大叫個肚真係好痛痛... 大喊要我抱抱!!! 我想出番學校門口搵dadi威, 又見唔到佢, 個仔就痛到係地下典典典, 真係好驚呢!!!
請門口老師叫"大聲公"搵dadi又搵唔到, 打佢日提又無未能接通..... 真係人都癲!!!!! 好多係門口等interview嘅家長就睇住我跌晒d野, 抱住個肚痛到係咁大叫大喊嘅lumlum豬衝出學校門口搵老公..... 唉......
好彩係唔係好遠就見到佢同小吉mami婆婆一齊, 即刻抱住個仔, 仔仔豬一過爸爸手就嘔喇!!! 陰公!!! 我地即刻搵的士去睇醫生!!!! 根x園, 我地無緣入黎參觀吓喇..... 好彩唔係真係好心儀學校!!!
上左的士, 見到lumlum豬情況都好嚴重, 唔肚痛時好平靜, 一痛就好似失左理智咁!!! 係咁叫: mami, 睇醫生, 好痛...... 手腳亂踢亂fing, 掙扎得好利害, 真係嚇c人呢....
下晝1點幾2點平時睇開個醫生又off左, 決定去醫院急症室!!!
一去到, 都好快就分流比佢見醫生, 等嘅途中, 佢大約十幾分鐘就肚痛一次, 一痛就癲晒, 我都捉佢唔住, 而且一痛就嘔......
醫生第一時間同佢照左超聲波, 腎等等都無事!!!
然後比d止痛藥水佢食, 不過好快又嘔左, 都唔知食唔食到.....
再去照x光, 照完醫生話見到佢條腸好多便便, 同埋有個好似圓形嘅物體, 而佢又痛到不停咁嘔, 所以要入院!!!
上兒科病房時已經嘔左6次喇, 好陰公呢.... 心痛c人.....
上到去, 兒科醫生話佢地經驗睇, 個圓形物體好可能係便便, lumlum可能係便秘, d腸cake住cake住, 所以咁痛!!!
但係佢係日日都有大大咖, 而且仲好多好正常唔硬嘅, 就之前星期五夜晚都有去poo poo, 我地真係好唔明白!!!
但既然係咁, x光片又見到好多poo poo, 就幫佢放大大, 塞左肛等佢自己去大大!!!
仔仔豬好攰好想瞓, 但係仍然係十幾廿分鐘就肚痛, 一痛就醒晒癲晒, 瞓唔到好慘慘!!!
下晝5點幾, mami要返去餵妹妹喇, 已經出左街好多個鐘頭, 妹妹食左一支儲奶, mami又谷奶谷到傻喇!!! 咁就返去執野同餵奶泵奶先!!!
dadi陪住佢, 又嘔左幾次, 想瞓又瞓唔到, 大大左4粒好硬嘅poo poo!!!
到左食飯時間, 食左d飯, 不過, 又嘔晒出黎, 結果就要吊鹽水, 要種支管係手仔, 好可憐!!!
mami趕到返去, 原本打算比dadi返去冲個涼, 換件衫, 食d野, 點知....
一過手, 仔仔又陣痛, 痛到又癲左, mami唔夠力捉好佢, 比佢整到手仔支管走左位!!!
又要再拮過!!! 救命..... 好陰公呢!!! 之後再痛, 佢都有就住隻手少少, 不過仍然好大力, 都係dadi抱住佢捉住佢唔到癲到整親自己安全d.....
8點又食左止痛藥水, 但又有嘔, 真係唔知佢食左幾多!!!
肚陣陣痛仍舊, 無野可以做到幫到佢, 好心痛, 睇住佢好攰, dadi抱住瞓, 瞓一陣又痛, 又喊又醒又癲, 跟住唔痛又瞓著, 我地兩個望住佢, reqady住佢又再下一次肚痛時捉住佢!!! 唉.......
9點開始其實只得一個陪瞓, 我留到10點幾, 買左d野餵左dadi食, 見仔仔豬好似肚陣痛都隔耐左, 妹妹又就快要再食奶, 就返屋企先!!!
好彩到左11點35分, dadi見佢終於瞓到好深, 無再肚痛, 放左佢落床!!! dadi陪住佢一晚, 原來夜晚冷氣會愈來愈凍, 陰公, 而且公立醫院無床陪瞓, dadi係張櫈凍凍凍住, 陪左仔一晚!!! 一路又怕佢會再痛醒!!!
點知, 好好呢!!! 可以瞓到天光, 7點先起身!!!
一起身就變番健康開心lumlum喇~~~ 好精神, 個肚仔乜事都無喇!!!
早餐仲食左一大碗麥皮, 無嘔!!! 再去左好多wee wee同一次正常poo poo!!!
mami9點幾黎到, 比佢飲左奶奶, 又無事!! 同同房兩個小朋友玩玩具, 睇書, 畫野, 玩得好開心!!!
等醫生巡房, 等到成11點, 可能因為星期日!!! 醫生見佢玩得食得, 又無痛又無嘔, 都話佢應該ok晒!!! 不過就照多一次x光, confirm個圓形野無左就好喇!!!
dadi返去休息, mami陪住, 玩玩玩玩玩, 下晝又食一大碗飯!! 又食包包, 食橙橙, 真係乜事都無喇!!! 仲精神過我呢~~~ ^.^ 安樂晒!!!
等到3點幾先有得照, 照左我自己偷睇片, 都見到ok晒喇~~~
4點dadi黎埋出院返屋企渡假!! 因為大醫生唔係度, 無人簽字比佢出院我諗!!!
明早9am再返去見醫生同攪出院手續, 應該就乜事都無喇!!! ^.^
健康真係最最最緊要!!!!!!!!!!
小朋友真係要多多飲水, 食多d蔬菜生果!!! 原來d便便cake住, 會咁痛!!! >.<~~~
其實lumlum豬都食好多菜同生果咖, 又日日都有便便, 到底點解會咁呢???
