2009.8.7 澄澄1個月大喇~~~

^.^ 澄澄一個月大喇~~~ 時間真係過得好快呢!!!

呢幾日哥哥仔成日都要求抱妹妹!!!

我地多數都係比佢放個枕頭上大脾先抱~~~ 安全d!!! ^.^

1個月大嘅妹妹, 好合作!!!

食得好乖, 食mama milk一邊15分鐘, 可以飽到3-4個鐘頭!!!  以前哥哥每個幾鐘又要搵食嘅呢!!!

有時都擔心佢到底食左幾多? 夠唔夠咖??? 但係佢又好多大小便, 又瞓得好, 又愈來愈重!!! 應該夠晒食呢~~~ ^.^

夜晚仲瞓到4個鐘頭以上先搵食!!! 不過有時就半夜先黎想大大, 攪mami個幾兩個鐘頭先有得瞓番!!!

唔知道係咪因為住過兒科病房, 訓練有素, 哥哥好嘈佢都瞓到!!! 乖妹~~~

 

頭頂d頭髮仔甩左好多~~~ 不過又有好多毛毛生緊出黎!!!

成日都撩人玩, 同人講野~~~ 八妹仔黎咖!!!

好鐘意同人笑~~~

開頭就好似無乜意識咁笑, 呢個星期就係撩人講野先笑!!! 應該係真係笑呢~~~

有時笑到眼都朦埋, 好攪笑~~~ mami好鐘意呢個傻樣呢!!!

dadi mami日日都影左好多好多相相~~~ 同哥哥嗰時一樣, 已經要買多個hard disk裝你地兩個d相喇~~~ ^.^

tomorrow就係滿月dinner喇~~~ 希望你同哥哥滿月時一樣, 好合作好乖乖啦!!!

love you ~~~

2009.8.6 lumlum豬2歲1個月大喇~~~

2009.8.6 lumlum豬2歲1個月大喇~~~

上個月同佢切蛋糕仲好似唔係好耐之前咁, 乜咁快又一個月喇??

呢個月對仔仔豬黎講都發生左好多野~~~

媽咪入醫院生bb啦, 妹妹出世啦, 妹妹係醫院住, mami dadi晚晚唔同佢一齊dinner啦, 妹妹出院返左黎一齊住要適應啦, 發燒發左一星期啦, 等等等等...

總係覺得, 呢一個月, 個仔大個左好多!!! 係咪因為做左哥哥呢????

識講好多野, 同我溝通多左好多, 好表達到自己想點, 好多時間都唔想照大人嘅說話去做, 開始有d反叛, 有時明明識嘅野又特登答第二樣or扮唔識, 唔鐘意聽嘅野同你講第二樣......... 哈哈!!! 有時真係比佢激c or 笑c!!!

mami最唔鐘意佢呢個星期唔多肯食飯, 前晚2009.8.4仲係mami第一次真正發惡打佢, 而家食飯時成日都周圍爬周圍走唔肯坐定定, 可能因為張high chair比左妹妹瞓, 佢唔習慣係細枱食, 前排仲習慣左睇住電視食, 呢排不停咁教緊佢坐定定, 食飽飽先睇電視!!!

前晚唔聽我講, 仲周圍爬, 而且又唔肯呀大個口食, 餵到都唔打開個口, 點氹點教都唔食, 打佢咀仔打佢patpat仲好牛精咁嘅樣, 叫佢乖啦, 聽話啦!!! 就自己話lumlum唔乖, 食飯no no!!! >.<~~~

真係激死人, 抱佢坐番好時, 佢掙扎時唔覺意一腳踢左碗飯落地!!! !!! 我知道佢唔係特登, 但係已經氹佢氹到想斷氣, 一見到碗飯落左地嗰吓真係嬲到不受控制, 捉住佢好大力咁打左佢大脾同patpat幾下!!! 

一定係好痛, 佢即刻喊, 而我d眼淚都即刻流出黎........ 見到佢隻豬脾脾紅晒, 有手指印呢!!!!!!! 好想即刻呵番佢, 但係又知道真係要教!!!

跟住我好惡咁走開話mami好angry, 小朋友要乖乖地坐定定食飯, 一定唔可以踢跌碗碗, 浪費食物!!!! !!! 整過另一細碗飯叫佢乖乖地食左, mami先睬佢同抱番佢呵番!!!

好彩dadi又係度, 可以做好人, 氹佢教佢食左d飯, 再等mami同佢再講道路錫番佢!!!

終於明白乜野叫做"打在兒身, 痛在娘心"!!! !!! 真係好心痛呢!!!

無諗過會係仔仔豬25個月大呢篇寫左呢d野!!! 哈哈!!! blog真係好, 可以任我寫任我release呢!!! 仔呀仔~~~ 呢次係mami第一次好嬲好惡咁大大力真係打你呀!!!

好~~~ 寫番我原本打算寫嘅野先:

就係我地3個玩自拍玩得好開心~~~ 原本, 我地個仔已經大個仔到可以同我地一齊玩自拍, 玩唔同嘅衰樣!!! 哈哈!!!

我地3個一齊瞓係大床, 我地講做乜, 就一齊做&自拍:

正常樣~~~

happy~~~

funny face~~~

close your eyes~~~

open your mouth~~~

angry~~~

sad~~~

laugh~~~

surprise~~~

smile~~~

sad~~~

cry~~~ lumlum自己話咖~~~

angry~~~

poke out your tongue~~

妹妹呀~~~ 大個d同你一齊玩~~~

i love you 仔~~~

希望你日日都健康快樂!!! 下個月6號你就已經返緊學喇!!! 期待ing!!!  

2009.8.5 恭喜KITMAN EE

KITMAN EE個細b今日出左世喇~~~

恭喜恭喜~~~ 好乖乖, 好快手就出左世喇~~~

由一度都未開到十度生得, 都唔洗一個鐘頭呢! 第二胎真係快到咁??? 不過, 快到uncle tony都趕唔切去陪產呢!!

上兩個星期日, 我同妹妹都係同kitman ee一家人一齊過嘅呢!!! ^.^

post番d相先:

2009.7.26 uncle tony一家第一次見澄澄~~~

曦曦都好鐘意bb呢~~~ 一定會係一個好哥哥!!! ^.^

珏霖呢日係爺爺屋企, 因為dadi威要返工呢~~~

同uncle tony傾計呀???

呀~~~ ^.^

呢日妹妹好乖乖好好瞓~~~ 食飽就瞓, 瞓飽又食!!! ^.^

uncle tony同曦曦都瞓埋~~~ hehe~~~ 我地兩個女人係書房傾傾傾生意!!! ^.^ 

再一次恭喜晒你地呀!!! 大家都一家4口喇~~~ ^.^ 

小家曦, 你等到妹妹差不多滿月, auntie cary差不多坐完月先出世, 真係好叻仔呢!!!

kitman ee, 生意仔交晒比我啦! 你放心揍仔坐月啦!! 我會努力同dadi威& tony一齊攪掂咖喇!!! ^.^

唔該晒你呢個月攪掂晒d野同埋整好左個system!!! 而家咁organised, 真係好容易好輕鬆就可以handle到喇~~~

各位繼續多多幫襯, 我攪得掂咖~~~ ^.^

http://smartfamily.shopping.babysky.hk/

兩兄妹 ^.^

哥哥某天一早突然攬住兩隻BEAR BEAR衝左入房!!!

當mamai仲係當lumlum豬係bb嘅時候, 原來佢已經大個左好多好多!!!

一隻大脾到腳嘅長度, 已經等於成個妹妹嘅長度~~~

當妹妹係床度, 而哥哥又企係度周圍行時.... 真係有時好怕會整親!!!

不過~~~ 無得怕咁多咖喇~~~ 見到你兩個咁樣一齊, mami覺得好lum好開心呢!!

哥哥lum呢排習慣左妹妹嘅存在喇~~~

除左有時見到mami抱住妹妹會叫mami唔好抱妹妹. ,要抱lumlum豬!!! mami多數會叫佢等一等, 諗吓咁比邊個抱妹妹先??? 然後交妹妹比姑婆or dadi, 就抱番呢個大bb先!!!

妹妹瞓左覺時, 佢都識得提自己要細聲d, 不過成日都會玩到唔記得!!! 哈哈!!

仔呀~~~ 希望你兩個相相親愛!!! 好似兩隻bear bear咁sweet啦~~~

傻豬lum~~~

妹妹喊喊喇~~~

哥哥呵番~~~

乖乖~~~

love you two~~~

我都好鐘意冲涼^.^

2007 未夠一個月大嘅哥哥lumlum: 我最鐘意冲涼^.^

2009  未夠一個月大嘅妹妹澄澄: 我都好鐘意冲涼^.^

哈哈~~~ 係咪都好似樣???

但係其實阿妹女仔好多咖? ^.^?

PS: KITMAN EE上左趣味學習系列玩具呢!!! lumlum豬都好鐘意玩呢!!! 成日話要玩monkey同banana呢!!  http://smartfamily.shopping.babysky.hk/