Cary+Wai+Lumlum+ChingChing Blog

2006年9月25日星期一

Happy birthday to Wing!! 我個小學同學仔！識左十几廿年了！同你都不知過左幾多個生日了！

今年咁乖留係屋企陪女朋友仔二人世界都好good吖！希望你地開開心心！

眨吓眼又星期日喇！星期五去左第２個NLP seminar！之後，出左銅鑼灣同Ｄ朋友仔飲野！

星期六威威嫲嫲八十大壽，入左屯門，衛嫲嫲生左十一個仔女！所以三代同堂有四圉酒席！勁！

仲成日比人問我地幾時生隻「蚤」等佢地四代同堂

老公今星期放假！我諗......會寫少左BLOG了！要出去食野喇！bye

今晚去左金鐘同９９一齊做瑜珈！九點至十點！點解好似好快過咁嘅？

我發覺人地做Ｄ動作時條腰會痛，但我又晤痛喎！我只係坐係度伸直腳向前，跟住成個人爬向前時條腳筋拉住有Ｄ痛，條腰反而一啲都唔痛，可能我条腰軟Ｄ，但隻腳緊Ｄ卦！但係唔知點解坐係度双腳曲knee成90度向前舉高，人地好易但我唔成功呢？

原先諗住做完yoga返去實好好瞓啦！點知yanyan話好想去唱歌！明晚去又好貴，所以今晚陪佢！米米又病左，所以我地兩個自己係荃灣唱，唱歌，食雞亦尖，飲啤酒同傾計！希望yanyan會越來越lumlum同開心，唔好再有咁多秘密！

結果又咁夜了！好眼瞓呀！！good nitenite 了！

尋晚去左<專業>聽左個介紹NLP嘅講座！兩個鈡好快過咁！

大約十幾廿人一齊，仲識到另外兩個同我一樣想research下邊間公司好啲嘅女仔，好爽幾好傾，lumlum!

NLP即係＜身心語言程式學＞，同潛意識、positive thinking、催眠....等等有關，同我想譯嗰本書好match，如果真係學好左個課程就可以申請到外國執業牌照！可以做治療師！或者寫書？或者做trainer？

不過都係睇多幾間company先！明晚會去另１間公司聽另１個seminar！

今晚我会去做yoga!!!希望唔會成個散晒啦！

老公今晚同明晚都返夜，不過跟住又放一個星期假了！老公！努力揾＄＄養我啦

今晚會同99一齊去聽第１個NLP seminar!

聽完返黎再話比大家知點啦！

今朝一早７點比老公個電話嘈醒！唔知邊位咁大整古呢

跟住８點老公返左工，得番我１個人，又瞓唔番，上網揾下有無野好讀同做！

發現左嘅course, 內容同positive thinking......等等嘅心理行為治療，即我的興趣好近似，好想報名！仲可以申請美國執照！不過越search越發現有好多唔同嘅firms攪！究竟边度好Ｄ呢？

決定今個星期去聽唔同嘅公司嘅簡介會，揾間最好最正嘅先讀

今晚又煮飯!! ^.^ 叻叻米米同茵茵上來!!

今餐有中式羅宋湯, 醉雞亦, 面醬玉豆, 芙蓉旦同沙嗲肥牛粉絲煲!!

好lumlum!!