今日係星期六, 小珏霖間學校係可以自由選擇星期六返唔返學嘅, 前兩日返去都係mami可以陪同嘅, 今日開始就要自己入去上堂咖喇!!!
老師尋日同我地6個家長講, 呢個星期小朋友適應中, 如果可以就最好帶佢地返去啦, 而家仲係返半班, 可以人少d, 等老師容易照顧d, 又可以比小朋友同老師熟絡d!!!
我就一早打算比仔仔豬返去咖喇, 還掂係屋企都無乜特別!!!
點知, 好多家長都話唔返咖呢??
今日返到去~~~ 得兩個小朋友!!! lumlum豬同埋另一個男仔!!! ^.^
一去到學校門口, 校長, 校工姐姐, 老師等等.... 圍住晒個門口!!!
珏霖入校門前, 同我講: mama, 入去!!!
我話: 唔得呀!! mama要返工嘛!!! 一陣......... (仲未講完...)
lumlum就已經比人擁左入去學校..... 好彩之前我已經講左好多次....
"你就好啦~~~ 聽日有得返學校同老師玩車車, mami要返工無得入去玩喇, 你自己返去同李老師玩啦!!! 夠鐘放學mami就會黎接你放學咖喇!!! "
隔住學校個玻璃門, 我縮埋一邊裝入去, 廢事比仔仔豬見到我個依依不捨樣
, 佢真係有望番轉頭咖, 不過睇我唔到.....
佢同個同學仔一人拖住老師一邊!!! (得兩個返學啱啱好呢~~~ ^.^)
n班課室係最入, 我睇住佢拖住老師, 揹住個書包仔, 行幾步就拎轉個頭望吓門口想搵mama嘅小背影.......
原來........真係好想喊咖.......... d眼淚好似想自己湧出黎咁....
仔呀仔~~~ 真係大得好快呢....
見到你無喊住入去, 都好安心, 希望你乖乖豬, 叻叻仔聽老師話, 去wee wee自己出聲..同同學仔好好相處.....
跟住mami去左食早餐~~~
好快就一個鐘頭喇, 去接佢時好心急呢, 好想聽吓老師話佢點, 到底入到去有無喊呢??? 有無去到wee wee呢? 有無聽話呢???
出到黎, 老師話, 兩個都好叻叻呢!!! 完全無喊!!!
玩車車時仲有交流呢, lumlum豬係咁叫同學仔"快d快d", 哈哈!!!
老師問仔仔豬係咪成日跟住人做野?? 我話係咩??? 佢話lumlum睇書時follow住個同學仔, 同學仔發出乜聲音, 佢就學佢!!!
同埋話仔仔去唔到小便~~~ 痾唔到! 玩完車車就飲左半杯水!
原來傻豬仔係會緊張去唔到wee wee嘅呢!! ^.^
大約就係講左咁多, 就bye bye老師喇~~~ 星期一見!!!!!!
得番我地兩個時,
我問佢: 返學好唔好玩呀??
佢答我: 好好玩呀!!!
我問佢: 李老師好唔好人呀??
佢答我: 好~~~
我問佢: 今日玩左d乜呀??
佢答我: 車車!! woo~~~ woo~~~ 呀!!!
哈哈~~ 行吓行吓~~~ lumlum豬揸住條褲, 話: wee wee呀!!! lai喇!!!
mami即刻抱起佢, 叫佢忍住呀!!! 快快步同佢返屋企wee wee!!!
仔呀仔~~ 好叻叻呀你, 原來你可以忍到唔wee wee係街喇, 第一次見你咁急同埋講lai喇!!!
雖然近期都無wee wee係片片, 不過多數都係我地大人叫你提你去toilet wee wee!!
今次你自己話比mami聽一定係好急好急!!! ^.^ 我諗我地可以開始試吓唔著片片去街!!!
yeah~~~ 我地毫不廢力咁戒到片片, 真係好開心呢!!!
love you baby~~~ 
下星期一老師話返去玩波波呢~~~
期待你自己返學嘅每一天!!!
下星期一仲係半班同一個鐘頭, 然後就全班12個小朋友同埋時間會愈來愈長咖喇!!!
希望你好好enjoy, 日日都咁合作!!
每日都有進步, 愈來愈鐘意老師同學, 同埋愈來愈鐘意返學!!!
