2006.12.8 煮飯仔.....好慢

今日決定煮飯比老公食, 起身上網研究煮乜餸好，再落街買餸，到準備材料，煲落湯，醃好啲肉，嘩！

成幾個鐘......到底係咪我動作真係好慢呢？

跟住再煮多大半個鐘就成功製作左呢餐晚飯喇:

有蕃茄薯仔湯, 面醬玉豆排骨同薯仔蘿蔔炆雞亦

老公話好好味！

我就煮完無乜胃口喇！不過見到老公食得lumlum就抵番啦！

謝謝您^.^

謝謝您在我胡思亂想時的耐心

謝謝您在我發癲大哭時的擁抱

謝謝您在半夜煮給我食的宵夜

謝謝您返夜班時的3G call

謝謝您不論任何時候的支持和體貼

謝謝您盡你一切能力去給我的安全感

謝謝您由認識到現在風雨不改的接送

謝謝您給我一個整潔的家(而從不埋怨我不做家務)

謝謝您好似湊女咁湊住我

謝謝您接受我的任性、扭忟、懶惰、無耐性......一切一切的缺點

謝謝您的愛

跟住應該點呢???

這兩天有點迷惘！想得又有點過多！

可能每天在家中瞓飽後上上網，傾傾电話，食下野，睇下碟的日子眨吓眼已經４個月了！

睇住戶口嘅錢有減無加，計下條數好似有啲擔心！ 係咪應該去返工揾下錢呢？

甚至諗番點解捱左幾年跳左幾個point都咁勇辭左工呢？點揾番咁多人工１個月呢？好彩有寫blog可以睇番My Dream入面自己嘅心情同諗法！人總係會有鑽牛角尖嘅時候嘅.......

當日我辭工時又唔知道會有左baby嘅，而且做得太辛苦想試下鐘意小朋友嘅其他出路嘛！睇番自己寫: 

代課? Part time trainer入面話﹔「我辭職畤佢挽留我時我話我唔係去第二間學校教, 只係想抖下同試吓其他形式嘅工，鐘意小朋友未必一定要限教書啫，襯仲未有負檐時試下先！」

哈哈！真係人算不如天算了！而家有左baby，係咪即係有負擔？

又唔可以去揾長工，而家問緊做part time trainer嗰度仲請唔請我，等緊佢回覆！

有人問我去唔去鑽石山社區中心做替工，１２月１２日開始每日下午３點至７點教小朋友十日2000蚊！老公話日日去咁遠人工又唔高加上揰左佢生日，唔好做啦！代課好過！

learning center度又唔知點好！如果生完baby想自己湊最少１年，咁又唔可以full time做開荒牛打理問center！但我又好有興趣喎！唔通真係可以湊埋個Ｂ去番工？要同partners好好商量下先！

跟住其實有baby又多左錢要洗，尤其是私家醫院定政府醫院都令我好困擾！好多身邊嘅人有好多唔同意見！

政府醫院因老公係公務員，去QE可以upgrade去二等房，而且如順產都無乜特別，加上產後如baby有乜要救要醫嘅兒科會專業啲同儀器多啲！但我因為上次住瑪麗無人理我同啲實習醫生好似唔知發生乜事咁令我對政府醫院嘅感覺好差好無安全感，又好怕有啲mummy係forum分享係政府醫院話生完比實習醫生聯針聯得唔好，甚至即刻再拆番聯過痛死好恐怖！lobo仲話７月又啱啱換新一批實習醫生，好得人驚！唉！

私家醫院就可以自己個私家醫生跟番，但如果唔係開刀係順產就個個話唔值比幾萬蚊住！而又有人話生完後個baby唔會好似政府醫院咁比番mummy自己湊又無咁好？而且仲話會再加價添

哎吔！諗到好煩........！老公話唔好諗啦！開開心心駝ＢＢ想抖就抖，到時先算先再諗啦！但我又擔心你要照顧老爺奶奶，又照顧埋我同baby其實係咪真係太辛苦呢？

生完baby我要湊嗰陣就一定要你頂住啦！咁而家我係咪應該襯仲未好大個肚呢幾個月揾到幾多錢就幾多呢？做乜係啱大肚婆，唔太粗勞，又可以揾到唔太少錢呢？有好介紹話我知啦！

開左證券戶口

上星期五同d大學同學仔食飯前一齊msn!!

佢地有消息話某某no.快d入貨, 我話「吓?? 我無戶口買股票喎?你地個個都有??」

oh!!! 原來我咁outdate!! hehe... !! 無得玩...

跟住睇住佢地講嗰隻星期一升左一倍幾, 如果我又買左就好啦!! 買少少都好嘛!! 1000變2000幾!! 10000變20000幾喎!!

於是今朝的起心肝起身落荃灣開證券戶口, 我check過如果through銀行d手續費貴好多, 所以去左一間朋友介紹嘅證券公司!!

放心啦!! 我試下買少少啫！有貼士話我知啦!! 我可以有份參與喇!!

 

Tony仔仔滿月酒

滿月baby
幸福一家三口
紅雞蛋鼻

五個中學同學, 十幾年好兄弟

加埋老婆同仔女, 愈來愈多人

Dinner with Umates

Happy birthday to Chuck!! 因為你嘅生日, 我地又出左黎一齊食飯了!!

而家d IT 工真係辛苦喇, 竟然要成10pm先收工, 所以我地去左<梨和園>食韓國燒烤嘅宵夜!!

 

4個大學同學仔(欠左大魔頭呢)

加埋壽星個女朋友仔同lisa嘅朋友仔

流晒口水

 壽星炒魷魚


 

燒"瀨尿蝦"時, 佢地未死晒, 係塊燒板上面想爬出來咁, 好得人驚呀!! 好彩我唔食得!!

原來瀨尿蝦對眼係綠色嘅!!

食左好多肉呀!!! 最後, 食左兩大碗車厘茄同好多橙, 乖!!