2011.1.31 澄澄第一次睇跌打

而家睇番d相, 妹妹好似唔同晒樣咁呢~~~ ^.^

話說1月30日星期日, 起身同妹妹換衫時..... 一郁佢就喊.....

呢個囡其實真係好少會喊, 覺得好奇怪?? 慢慢觀察吓, 發現.... 佢唔肯郁隻左手....

好驚呢..... 唔知道佢做乜事呢???

第一時間即刻想同佢去醫院照x ray,  睇吓隻手做乜事???? 

打電話問吓agent, 打電話問吓朋友.....

慢慢見到呢個囡, 好正常咁活動, 除左隻左手只肯郁少少, 唔肯大動作!!!!!

觀察完覺得, 應該係扭親, 唔關d骨事, 結果打左電話比我地一家都好愛嘅跌打師傅, 答左佢好幾個問題之後, 佢話應該係跣左較, 可以觀察多一兩日先去睇佢!!!

結果, 第二日, 我地就出發去搵師傅喇~~~ 就快過年喇, 希望妹妹快d無事啦!!!

到達~~~~ 好好彩無乜人~~~

師傅即刻同佢按按按~~~

妹妹坐定定, 成個公仔咁任得師傅按~~~ ^.^

仲有電視睇添~~~ 一d都唔痛~~~

嗰兩日, 如果我地舉起佢隻左手臂, 佢會縮番, 不過, 師傅慢慢按按按, 舉手都ok喇~~

按左約10分鐘, 師傅就抱佢去引佢用隻左手按電視掣, 佢又ok喎

最後, 再按左陣膊頭, 好舒服咁呢~~~ mami都想比師傅按吓呢~~~ =p

師傅再將佢對手臂開開合合~~~ 成功!!!! 已經完全回復原位喇!!! 過一兩日就無事咖喇!!!

真係超超超級唔該晒師傅呢~~~

佢係我地一家人同埋介紹左好多朋友都好鐘意佢嘅跌打師傅+氣功師傅+中醫師呢~~~

幫左我地好多次呢~~~ ^.^ 有個好醫師真係好幸福呢~~~

至於妹妹其實點解會跣左較嘅呢???? 真係唔知道呢.....

好似我地有時唔小心扭親咁, 佢應該係瞓覺時整到自己呢~~~

回想番當時..... 真係好驚好緊張呢~~~

好彩, 係小事~~~~ ^.^

希望所有小朋友大朋友都健康平安呢~~~ 呢樣真係最最最緊要呢~~ ^.^

ps:舖頭仔消息

4月新書&上架 ^.^ & lumlum豬勁鐘意韓國小企鵝Pororo和鯨魚洗澡玩具 - 拉繩會游水和噴水!!