偏心之地雷 >.<

好多好多blog好想寫~~~

一直都無的起心肝打番開個blog, 太多太多相未整理~~~

太多太多野做~~~

不過, 啱啱開始左2011年, 就已經好多事情發生咁......

可能都係時候再記錄一下~~~

先記低今日好想好想提醒一下自己, 或者有一個或以上小朋友嘅你~~~ =p

******************************

一直都好努力令到兩個小寶貝覺得自己同樣比重視, 同樣被愛~~~

自問無特別偏心邊一個, 雖然生左多一個之後少左好多時間分配到比兩個~~~

有時又覺得自己無好似以前只係揍住lumlum豬一個咁比咁多時間妹妹!!!

有時又覺得少左比關注哥哥~~~ 不過都有同佢兩個出去行街拍拖嘅~~~

話說今日last day學校假期, dadi返工, 姐姐加mami帶左兩個小寶貝去左沙田同linda ee兩個寶貝豬玩得好開心

時間過得好快, 趕番屋企同佢地冲涼瞓覺, 都已經9點幾喇~~~

巴士接埋dadi一齊返屋企, 原本大家都好happy嘅....

點知...... 中左地雷..... 唉~~~ >.<~~~

一入屋, 妹妹就行行行左入廳, dadi就叫哥哥快d除鞋先入屋, mami就自己除左鞋入去捉妹妹上sofa幫佢除, 點知.... lumlum豬好唔合作, 死都唔肯除左鞋先入屋.....

dadi好勞氣, 咁簡單嘅野.... 點解唔可以乖乖地除左鞋先呢??? 鬧佢就大喊..... 但係仍然堅持唔肯除...... 喊完一大餐, 講左一句, 妹妹都著鞋入左去啦!!!!!!!!!

哎呀!!!! mami話咁你想點呀??? 唔通要鬧妹妹出番黎除鞋咩???? 妹妹細個唔識, 你大個仔聽話啦!!

佢都係喊喊喊, 唔除............ 唉.....

dadi話你唔好喊快d除左佢啦!!!

結果, lumlum喊住話要mami幫佢, 好啦!!! 唔同你勞氣喇, 明天要返學喇, mami幫你除同你去冲涼先啦~~~

冲涼時都好扭計, 又唔肯著衫... 唉!!! 快快手攪掂佢到mami冲~~~

佢地係廳~~~

我冲完出黎, 又見到仔仔豬喊到好可憐~~~~ 唉~~~ 又扭乜呀??? 

dadi話, 妹妹騎膊馬, 笑到傻左, 滴左滴口水係dadi個鼻, 哎呀!!! 好核突呀!!! 大家笑晒咁抺左~~~

之後, 哥哥話佢又想騎, 好呀!!! 到你啦~~~

點知, 佢一騎上去, 特登吐左口水係dadi頭度..............

dadi即刻好嬲~~~~ !!! 有無攪錯呀?????? 快d道歉!!!! lumlum又係大喊.... 搵mami!!!

等到mami出黎, 聽完件事, 第一個反應係...... 咁妹妹唔係特登, 你係特登, 咁係唔衛生嘛, 快d同爸爸sorry啦~~~

佢都係唔出聲, 只係喊喊喊...... mami話, 你快d同爸爸sorry, 之後去瞓覺啦!! 我要趕住同妹妹冲埋涼先喇~~~

之後, 同妹妹冲涼時, 諗番仔仔豬個喊樣, 哎呀!!!! 慘喇~~~

咁啱兩件事都係咁, 妹妹做就無比人話, 佢就比人鬧得咁慘.....

真係咁啱中左兩個地雷, 比佢覺得好唔公平....... 有時話佢佢唔知錯個喊樣, 好似同今晚呢個傷心樣唔同呢.....

之後再同佢傾番計, 話比佢知mami其實都唔鐘意妹妹入左屋先除鞋咖, 下次你幫我手教佢啦!!! 爸爸真係好唔開心小朋友吐口水咁核突咖, 妹妹唔覺意所以無話佢, 你咁做真係唔啱咖!!! 佢再喊左一陣就好d喇~~~

今日咁啱反省到呢兩個地雷, 平時唔知道不自覺咁中左幾多呢???

之前都睇過書.... 一定要一家大細都遵守一樣嘅規則!!! 唔可以因為個細嘅細個唔識就由得佢, 大個就鬧!!! 唉....

真係做爸爸媽媽, 要不斷提醒自己同埋不斷學習!!!

希望, 我同dadi wai可以再注意多d!!!

希望仔仔豬同澄澄兩個開心咁一齊成長!!! 兩個互相愛護互相支持!!!  

新一年, 大家一齊努力, 日日健康快樂!!! ^.^

希望我可以有時間精神日日寫篇blog!!!  =p

仔呀囡呀!!! We Love You Both Much much much~~~~ ^3^