我媽咪仲成日話覺得我會早過預產期生bb, 可能6月尾生得, 咁就唔洗擔心醫院7月轉新一批實習醫生
不過都係愈足月愈好, develop好晒先出世, baby, 起碼都過左37week先見面啦!! 好唔好??
近期嘅熱門話題就係: 改左名未呀?
未呀..... 雖然不時都會同威威兩個諗下bb叫乜名好, 不過未真正諗到.... 
最怕改壞名嘛... 一定要諗真d!!
威威其實個名都無個"威"字咖, 不過因為佢姓"衛", 所以比人叫"威威"
跟住我其實一直好鐘意個"晴"音, 想叫bb做"晴晴", ,不過又好似有d女仔得濟... 老公話個"澄"字咪男仔d囉! 咁叫乜澄好呢?? 就咁單字都好喎... 不過就會變左"衛澄"...""為情"..... 
然後某一日, 老公話佢諗起個"雋"字, 衛雋?? 衛乜雋?? 衛雋乜??
然後, 上次見到老爺, 佢一直話任我地發揮, 因為衛氏族譜到呢一代已經無限改乜字, 所以唔洗跟族譜, 自由發揮啦!! 但係我地上次見到佢, 請佢比下意見啦!! 老爺話諗起個"立"字, 你地又試下諗啦咁
咁我地又諗喇.... 衛立澄? 衛立雋? 衛立喬? 衛立天? 衛立軒?
其實仲要計下筆劃數, 我細個因為好多病痛所以媽咪幫我計過筆劃, 改左d字, 無改個音, 然後就好好多喇!! 所以我個名而家嘅筆劃數係好好命咖
我地一家人都唔迷信嘅, 不過信下中國人嘅姓名學, 計下數都無壞!!
各位blogger, 比下意見我啦, 改乜名好呀???
爸爸媽媽話改名真係好難，我同妹妹個名，爸爸媽媽由我哋未出世改下改下過晒期先諗到 ，要比人罰錢 。
回覆刪除衛立雋都幾好聽呀 , 我個女係睇字典改架因為我媽咪都幾信改名會影響命運 , 不如你都睇下呀, 睇下可唔可以幫到你
回覆刪除改名真係好煩,又要用埋英文,國語試讀,睇下會唔會有D奇怪野走出嚟,我依家都要開始諗喇,有朋友俾個提議我地,叫楠彬,2個字分開睇係幾好,不過夾埋就變佐<男賓>,咁我係咪要跟住生返個<女賓>. 大家加油!
回覆刪除改名真係好煩........仲要小心改呀......我都幾信改名會影響命運
回覆刪除我信教0既, 所以無搵人改名呀, 我同墨魚爸爸都鍾意所以好快搞掂~~~
回覆刪除我哋就將呢個重任交比老爺，佢改咗個都幾有意思O既名，我地都無乜意見,只要順口好聽就得啦．但英文名就仲未唸到啊，我老公話想要Ａ字頭喎．但真係唔多，又想特別，又要無咁COMMON ,再等人比吓意見啦.
回覆刪除諗改名真係諗到頭都爆~~
回覆刪除我都諗到頭到大埋，呢排日日拎住呀蘇師博本改名書喺度研究緊!! 真係好煩呀
回覆刪除睇住人地就真係好快, 話咁快你就32週。 我津津都係出世後搵人改名既, 好唔好就唔知, 買個心安囉, 我都係13歲時, 我媽都搵人幫我改過個名。
回覆刪除我嵐嵐豬個名都係我老爺叫相士改既，所以我果陣都無咩選擇權去改，只係淨翻英文名可以比我楂fit。
回覆刪除你哋諗的名好搞笑啊 我哋都諗住生完之後搵人同囡囡改名, 好似好d
回覆刪除我們本來也想找人改，但最後都係2公婆揀d自己鍾意的字（都睇過下d書夾佢的八字！） 還要把想到的名寫出嚟！讀出嚟！因怕改咗自己以為鍾意的,但會有同異音， 第日比同學仔笑就唔好啦！
回覆刪除鐘意點改就點改啦。
回覆刪除如果你唔信乜8字, 自己鍾意點都得...... 如果要夾8字, 或者多D IDEA關於筆畫, 可以買李居明出既改名書, 好正架, 又易明, 我買過好多本改名書, 呢本最好 !!! 英文名可上: http://hk.myblog.yahoo.com/sheena-hui/article?mid=1062 }
回覆刪除我個名係找相士改、爹哋話最怕"改壞名"喎！
回覆刪除那時我都是去圖書館借幾本改名書看看. 睇下, 計下, 不是太差, 便去馬. 那些書又要計"天地人", 又要計"金木水火土", 又計筆劃...很難找個 perfect 的名. 還是隨心, 自己又覺得好聽, 就 ok 啦~
回覆刪除我阿B個名係搵麥玲玲改架,唔好煩我,又唔想2公婆第時話"都話呢個名唔好架啦!!" "衛乜雋" ,唔好意思,我即時諗起"為乜春"呀
回覆刪除等契媽黎摻一腳先，以下內容，純粹搞笑： 衛生 ( Mr. Wai + hygiene/ 衛生紙/ 衛生巾) 衛大 (偉大/大衛/ 大圍/ Eng name: David) 衛冕 (為免) 衛隊 (圍埋隊酒) 衛亞瑪 (為亞媽) 衛豪 (english： ho wai，好威) 衛彌亞 (喂你呀) 衛武 (威武，English: Mo Wai/ 無謂)
回覆刪除衛立澄同 衛雋澄都幾好聽呀！
回覆刪除我地就冇搵人改名，但係我就去書局買左本改名書睇，其實都唔識架，之前自己心目中有D中意的字，然後再挾吓筆畫，讀吓會唔會俾人笑咁咋！我老公本來鐘意個囡叫文慧，但我就覺得文慧個名太普通同太柔弱了，你都知卓蔚條路會比較難行，所以我想佢堅強D、叻D。所以我選了個卓字，卓代表卓越、超越，而老公係都想個囡叫阿慧，用呢個慧又好普通，咪改一改用蔚囉，好似特別D靚D，咁就改左卓蔚啦！其實我覺得用單字都幾好，寫名又寫少D，又特別D。你老公姓衞，好似女仔個慧字咁，比較斯文，但你個係囝囝喎，你想唔想個囝man d？咁再諗諗佢啦！
回覆刪除改名真係好難，所以囝囝出世後，我哋攞佢時辰八字去改名，相士改咗６個名俾我哋，只有６個已經好難決定，何況你無乜頭緒．．． http://hk.myblog.yahoo.com/hahasze/article?mid=205&fid=7
回覆刪除我地都幫baby諗緊呀~~~ 好煩好煩呀
回覆刪除瑤媽話改名好煩架, 三心兩意之下到攞出世紙deadline之前才決定到. 我個名都係瑤爸瑤媽自己改 ... 查下字典, 睇下其他BB d名攞靈感囉. 最梗要係聽落順口舒服, 兩個都鍾意.
回覆刪除改名呢樣野我唔叻,但都信中國姓名學呢家野,我兩個仔個名好簡單,自己諗完d字後就搵書睇再夾d筆劃;單睇字面,我會鍾意衛立軒,俾人感覺好有文人雅仕feel~
回覆刪除立喬? just suggestion!
回覆刪除