4月6日 - 探訪靚媽咪ka yan & 得意仔女!!

好開心!! 講左好耐, 終於可以去探下ka yan同佢一pair仔女:megan & 細lolo喇! 連埋c yan, ada 同mingming一次過見晒 "4麼女"!!

一定要介紹下佢地比各位blog 友識, 因為就係佢地4個帶左威威入我嘅life入面喇!!  !!

mingming係我嘅中四同學!! 嘩!! 計計下都識好多年喇!! 而cyan, kayan同ada以前一直都有見下面一齊玩下咁!!!!

話說幾年前(係咪2002年??), 佢地4個靚女join團去韓國旅行, 跟住就識左團友一班, 其中一個就係威威喇!! 跟住又好奇怪地佢地返到hk都有keep住聯絡喎!!

結果2004年cyanyan嘅生日party, 佢一次過請晒佢識嘅朋友仔去!! 所以威威就識左我喇!! 哈哈~~ !! 4個紅娘!! 人同人嘅緣份真係好難講嘅!! lumlum~~

好喇!! 講番呢次gathering先!! 我同威威大約5點半去到!! 去到見到兩個babies真係好lumlum!! 好得意好好玩!!

對上一次去ka yan屋企時, megan只係幾個月大咋!! 而家megan已經就快3歲喇!! lolo就第一次見面!! 而家1歲半!! ka yan!! 你好犀利呀!! 真係三年抱兩, 而且一個好字, 仲要一樣咁fit咁靚女!!好羨慕呀．．．

一張好成功嘅大合照！ megan同lolo都有望鏡頭!! good!!

大頭lolo!!! 好cute!!!

ka yan媽媽真係忙碌到我地睇見都頭暈!! 又要煲粥仔, 又要餵兩個食粥, 同lolo冲涼......... 好忙好忙!!

而且lolo好痴身, 見少一陣都會喊, 成日要媽咪抱!! 寧願唔玩唔睇電視都要痴住, 可能有時係煩d, 不過又好sweet喎!! ka yan一抱住lolo就會lum晒!! 成隻樹熊仔咁好得意!!

呢個就係lolo個摟抱look!!

megan就大個女左好多!! 返左學好叻女!! 講好多野同埋玩得好happy!! 好可愛!!!

跟住兩張係我第一次同PhotoCap製嘅相仔:

 威威做左megan嘅人肉機動遊戲, 好玩過冬季嘉年華! 兩個都玩到傻晒, 成身濕晒!! 睇下megan個樣幾興奮幾開心!! ka yan, 佢有無發惡夢呀??? !!

megan仲要唔肯停添, 威威放低佢, 佢又爬番上去再玩過!! 真係好得意!好攪笑!!  

其實睇住佢地咁玩我都有時會驚老公整親或者跌親megan咖, 不過megan又一d都唔驚, 100%信任!! 老公, 你第時係咪會咁同仔仔玩咖??



玩完一大餐, 兩個小朋友突然間坐定定晒... 因為ka yan媽媽放左barney嘅vcd, 比佢兩個跟住唱歌仔!! 我仲睇到barney唱我至鐘意嘅i love you song!!

 lolo睇到成個爬係地下嘅!!

megan就用yoga坐姿!! 睇下佢對腳仔

跟住就到大食會時候喇!!!!!!!!!!! 我地叫左KFC同埋SUSHI外賣!!! 記得影相時D KFC雞已經被消滅晒喇!

我食左一件三文魚sushi同埋熟嗰D野咋!  !!! 都好滿足!!  lumlum~~~!!

原來lolo都好鐘意食野咖, 食左好多薯蓉呀! 又偷飲c yan盒vita lemon tea!! 偷飲完跟住show左一個好lum好滿足嘅表情!! 好好笑! 咁細個就鐘意lemon tea??  為食!!!

影番一張連埋老公份嘅合照先!!

 有一段小插曲一定要講嘅, 就係:

我地食食下野, megan突然之間大大聲話 :

"我真係好鐘意哥哥呀"

!!

megan有時講d bb話仲未係好清楚咖, 但係呢句我地個個都聽得好清楚!! !! lum到威威呆左!! 小朋友真係好直接好可愛!!! 我地d大朋友都要好似佢地咁, 要多d講比你身邊嘅人聽呢d咁lumlum嘅真說話呀!!

我挨住威威同megan講

"哥哥係我咖

" !! 跟住佢話"

係我咖!!! " 跟住迫入我地兩個中間, 攬住威威!! 哈哈!! !! 哎呀!! 我有個後生過我好多好多嘅情敵呀!!

後來, megan眼瞓喇!! 所以叫媽咪開奶奶比佢飲, lolo又一齊飲! 兩個排排瞓, 好得意!! 仲會用腳仔玩腳指添!!

跟住我地又睇左好多baby megan & baby lolo嘅相啦!! 而且ka yan mama仲比左d口水肩, 同埋衫仔baby仔添!! 然後仲突然比左一碗燕窩我食, 嘩!! 真係又食又拎呀~~!! 多謝你呀kayan!!!

其實我地去你屋企都係一程車, 好方便咖!!! 不如我地多d去搵你地玩啦!!