mami開始左冬眠嘅日子, 無日日update blog, 跟住個腦其實成日都好多好多野想記低, 好多野都未寫番..... 愈積愈多添....
首先的起心肝寫番仔仔豬呢期個playgroup先~~~
其實自第二期幼潛完左, mami就報左呢個係葵青劇院book場開班嘅playgroup喇!!! 貪佢近近地, 而報3個月每星期兩堂個半鐘仲好抵添, mami揀左星期二english, 而星期五就中文!!!
不過就無得試堂嘅, 報之前有一朝mami特登去睇堂, 入埋去坐左大半堂, 問吓其他家長意見!!! 因為上網serach時見到有d人話唔得, 有d又話ok!!!
我當時結論就係: 都ok啦!!! 其實比bb去上堂都唔係要佢係個堂上面學到好多好多野, 最緊要比個開心環境佢地去同其他小朋友相處吓, 唔好太耐無見小朋友怕生保!!!
而老師亦好緊要, 好怕d好嚴厲嘅, 對住d一歲多啲啲嘅小朋友點可以好惡c咁要求佢地坐定定好耐聽書呢!!!! 如果miss生鬼d, 活d, 就可以get到小朋友嘅attention耐d!!! ^.^ 惡c嘅一定唔掂
於是我地11月14日就開始左呢個新playgroup喇!!!
一開始去到會比好多波波小朋友玩等佢地warm up吓先~~~
不過到集體活動時, 仔仔豬都未知道發生乜事, 又比人捉住, 喊到傻!!!
努力掙扎想走佬......
大家都圍圈圈上堂時(每月都有個主題, 會教大約20-30mins課程), 仔仔豬就周圍走, 唔坐定定參與...... >.<~~~ dadi 同mami仲因為處理呢個問題方向唔同鬧過吓交添呢.... dadi話要捉你坐定定, mami話我地兩個大人自己坐定定上堂, 仔仔豬自然會慢慢明白返黎... it takes time!!! relax!!!
之後, 我發現, 仔仔豬鐘意上英文堂多d呢!!! 佢自己好鐘意個miss!!! 成日走埋去撩佢!!! ^.^ 同埋英文小班d, 每個小朋友得到嘅attention多d, 個miss又短氣d, 哈哈~~~中文嗰位有時長氣到我同dadi威都想瞓吓先
開始先到仔仔豬嘅進步~~~ 自己識得follow老師嘅指令!!!
最愛英文堂嘅reading time!!!! 點解中文無嘅????
好留心好留心~~~
哈哈~~~ 點解要玩住腳趾咖??? 好彩之後就係洗手手食茶點時間!!! ^.^
學識左一聽到隻tidy up music就會去幫手tidy up!!!! 個個小朋友都好自動自覺嘅呢~~~
而家上中文堂都習慣左個模式喇~~~
知道要跟住做早操先!!!
玩手拖手tum tum 轉都好lumlum好enjoy喇~~~
自己行行行~~~ ^.^
然後向前收埋個圈好興奮~~~ ^.^
又會自己去同大人握握手~~~
同小朋友又握握手~~~ ^.^
至於聽書時間呢???? 哈哈~~~ 就一時時啦!!!
有時老師教得吸引時會自己坐定定d~~~
有時mami叫佢坐定定~~~ ^.^
有時悶到走左去自己行同玩, 會比呢個助教miss捉住左....
而家呢個miss同佢講... 珏霖, 快d返mami度坐好喇!!! 唔係我抱你咖喇!!! 佢就會自己衝番埋我度!!! 哈哈~~~
中文堂無左講故事時間, 不過有個跟音樂打拍子行行行時間, 阿仔都好鐘意!!! ^.^
我覺得個playgroup都幾多教具同埋活動~~
呢個係教緊snow~~~ ^.^
定係教清道夫掃地呢??? 哈哈~~~ 我都唔記得喇!!! ^.^
一月教緊數字~~~ 下半個月會教新年!!
我諗阿仔可能最enjoy係食餅餅時間~~~ ^.^
仔仔豬仲學左幾首歌~~~佢最鐘意首exercise歌!!! ^.^ upload d video先~~~
