奶媽個左邊奶樽塞塞地呀~~~ 救命呀~~~
不過好彩無發燒, 即係無發炎!!! 少少塞左好平常, 唔洗擔心!! 可能因為呢排d奶奶又傑左, 脂肪多左...... 不過好鬼唔舒服呢, 又硬又痛
今朝打左母乳熱線, 個姑娘教我餵奶之前熱孚, 餵完之後就用椰菜冷孚!!! 
跟住問番仔仔d資料, 出世3.34lb, 3個半月幾磅呀??? 17磅~~ 吓~~ 真咖? 咁咪好重??? 個姑娘即刻問我~~~ 哈哈~~~
我問番佢到底有無超重呢?? 姑娘話無, 排90囉~~~ 咁你都好夠奶比佢食喎~~~ 好好呀~~~
而問仔仔d大大點, 我話大約隔日先有, 而且好流質!!! 姑娘話ok咖, 而且可以隔3,4日都得咖!! 即係唔太多前奶, 又係good喎~~~
總之而家我要快d去買個椰菜雪凍先~~~ 然後今日餵多d仔仔, 贈飲多幾次先, 希望快d通番啦~~~
ps: 今晚好番好多喇~~~ 唔知道係個椰菜得, 定係仔仔努力啜+我努力按work呢??? 不過都未通番晒!!! 好左7成啦~~~ 希望聽朝起身都ok啦~~~ 
成個10月不斷咁帶仔仔周圍去, 去得最多嘅就係爺爺嫲嫲屋企喇~~~
睇番係爺爺嫲嫲屋企嘅相, 發現仔仔成日都睇野睇到眼定定!!! 哈哈!!!
3/10爺爺抱住眼定定!!!
9/10坐係度又眼定定!!!
28/10 食住手指都係眼定定!!!
到底睇乜咁吸引呢??
燈登燈凳...... 就係金魚缸同埋電視機喇~~~
不過我唔多鐘意佢睇電視咖~~~
有時, 我會播baby einstein嘅dvd比佢睇, 係baby kingdom訂嘅美國版, $220 23隻dvd!!! 真係超抵~~~ 係玩具反斗城要百幾蚊隻呢~~~ 
仔仔暫時最鐘意world animal~~~ 個個bb都有唔同喜好呢!! gloria姐姐就鐘意old macdonald~~~ 哈哈~~~ 所以各位mami有時間就陪bb逐隻play下, 睇下佢地至愛邊隻!!! 有時要佢自己定一陣時就靠晒嗰隻dvd喇~~~
而家仲可以比auntie fennie送比仔仔嘅play along同sing along佢睇添~~~ 多謝晒呀~~~ fenfen~~~
最後post呢張仔仔比mami食得好happy嘅相~~~ 哈哈~~~
PS: baby einstein我係baby kingdom訂嘅~~~ 之前個forum搵唔番喇!! 不過見到另一個係$240/24隻~~~ 仲好啦~~~
個link係http://forum.baby-kingdom.com/viewthread.php?tid=1128502&extra=page%3D1!!!
或者email szeszes@hotmail.com啦~~~
你話cary介紹啦~~~睇下我有無佣金分~~~ 哈哈~~
今日仔仔豬同女朋友仔-小吉& Hoho bb終於見面喇!!! 兩男一女!!! 一個"嬲"字!! 哈哈!!!
不過3個差不多大嘅bb坐埋一齊真係得意到呢~~~ 
3個dadi~~~
3個mami~~~
小吉bb細過仔仔豬3日!!!
話說我出院嗰日, 小吉ma就穿水入院!! 於是, 佢就瞓左我出左院之後嘅13號床喇!!! 而出左世之後, 小吉就瞓仔仔豬瞓過嗰張可以推來推去嘅bb床仔喇!! 所以, 呢兩個bb係"同床"嘅男女朋友仔!! 哈哈~~~
hoho bb又係係QE出世!!! 係7月15日BB!!! 佢都好大隻咖!!! 佢個額頭對上有多一個轉咖!!! 哈哈!!! 我地想像佢第時大個就會好似卡通片D主腳咁有撮長曲髮係額前!!
3個排排坐完就3個排排瞓喇~~~ 又一個"嬲"字~~~ hehe~~
然後3個一齊爬係度~~~ 原來好乖乖嘅小吉最唔鐘意咁!!
所以之後得番兩隻烏龜仔~~~ 哈哈~~~ 好得意呀~~~
我至鐘意嘅3隻bb豬腳仔~~~
仲有豬脾show~~~ 哈哈~~~ 係咪令人好想咬啖呢??
仲有呀~~~ 學野好快~~~ 好快就識自己整到個sesame street玩具出聲, 又好似識byebye咁~~~ 3個幾月咋~~~ 超勁~~~
好羨慕小吉爸媽生個咁好揍咖~~~ 如果可以有人保證我生多一個一定係女同埋好似小小吉咁乖就好啦~~~ 即刻生!! 哈哈!!
女朋友仔, 希望下次珏霖見到你開心d啦~~~ 哈哈~~~ 今次話晒第一次見, 佢怕醜o者~~~
auntie lin借左hoho件型仔西裝比仔仔著呢~~~ 好傻佬咁~~~
最後, auntie nicole同子諾哥哥仲上左黎見一見面添!!! 又一個bb就快出世喇~~~ 三茄~~~ 乖乖地等你mami入到醫院先出黎呀~~~哈哈
又一個小型0707 bb gathering喇~~~ 如果真係攪個大型嘅係邊攪好呀???
不過跟住又同dadi mami出左街!!! 所以無時間update住喇~~
fennie auntie & a+b哥哥~~~ 等mami得閒先update你地d相上黎!!!
得閒再上黎同我玩啦~~~
