To 各位bloggers

真係要鍚啖你地~~~

見到你地好有心機寫比我嘅一大段回應, 真係好感動同好窩心!!!

身邊生左bb嘅朋友真係唔多, 有你地分享自己嘅經驗, 又令我了解多好多!!!

原來咁多mami都試過食詐糊, 咁我都唔係好醜怪~~~

個個生baby時嘅經歷都唔同~~~ 我都唔諗得咁多喇~~~

我可能真係太緊張喇~~~ 或者我個子宮自己練習緊收縮??? 我而家都有時有d肚痛同個肚硬晒, 不過無咁密同埋唔係咁regular喇~~~尋日朝 又會咁啱隔15分鐘一次嘅??? 

唔理喇~~~ 我而家學緊relax d~~~ 唔好咁緊張成日feel住有無肚痛!! 少少痛就唔理佢!!

然後, 唔再估baby幾時出世喇~~~ 7月1日都過左大半喇~~~ 應該唔係回歸baby喇~~~

總之, 係最好最啱嘅時間, 就會好順利好容易好快手好輕鬆咁生左呢個健康lumlum baby出黎啦~~~

威威呢兩日公眾假期都要返day, 得留我自己一個, 我會乖乖地唔周圍去咖喇~~~!!!!

有乜最新消息, 再report啦~~~   

thanks all bloggers~~~

 

出番院~~~

各位~~~ 今次係詐糊~~~ !!!

可能只係咁啱有d規律嘅宮縮, baby仔未出世~~~

一早7點幾8點去到QE,  話比姑娘知無穿水見紅, 但係肚痛左兩日, 今朝隔15分鐘勁宮縮肚痛, 攪手續, 入左院, 姑娘都無CHECK過我有無開子宮, 就駁機CHECK BB心跳同胎動!!!

我一心諗住睇下子宮頸有無開咖嘛~~~ 所以問姑娘啦~~~ 佢話睇我個樣咁輕鬆唔似有開喎!!!  唔通一開始開就會好勁痛??? 唔係有D人唔覺唔覺就開左好多度咩??? 定係子宮頸開多數會見紅??? 我又無見紅, 所以更加唔似???

總之, 原本我做好心理準備比佢CHECK, 點知唔洗CHECK??

BB心跳同胎動都好正常~~~ 駁左大約30-45分鐘機, 就帶左我去張病床, 醫生按下我個肚, 叫我自己數下會唔會痛密左OR穿水OR見紅!! 咁就想走開喇~~~~

我追問佢, 咁我咁痛法係咪即係生得???  佢話, 15分鐘一次, 都差不多咖喇~~~ 如果再痛密D就出聲啦!!!

就係咁, 就無人理我喇~~~ 威威就只可以係個"婦產科"病房出面等我 !!! 我都出左出面搵佢一陣~~~ 然後, 好眼瞓, 佢叫我入番去病床瞓下啦~~~

入到去病房..... 又熱又嘈.... 好多做婦科手術嘅阿婆同C奶係度吹水~~~ 唉~~~ 張床又好唔舒服~~~ 快D生得啦~~~ 快D去產房啦~~~ 係我當時嘅願望~~~

最大鑊就係: 我個子宮唔再收縮喇~~~ 我個肚唔痛喇~~~!!! 係咪玩野呀??? 阿仔????

捱左一個鐘頭~~~ 都無再肚痛!!! 咁即係唔係生得啦???

我又無見紅穿水..... 唔知道要等幾耐呢???

已經兩晚瞓唔好.....好眼瞓好攰..... 又嘈..... 又唔知道BABY幾時先真係出世....想佢痛多D密D又唔痛.....又掛住老公.......  就快發顛!!!

CARY最憎嘅事: 就係等~~~ 我真係超無耐性~~~~~~~~~

結果, 我決定同醫生申請"出院"~~~ 我話我一D都唔痛左成個幾鐘頭!!!! 醫生眼都大埋, 吓~~~, 你入左黎一陣咋喎~~~ 再觀察下好D喎~~~ 你15分鐘痛好可能等陣痛得密D就生得咖喇喎~~~ 咁你又要再入過院喎...................

佢好好心機咁講左好耐, 我乜都唔想聽, 淨係話要出院同老公返屋企瞓覺~~~~ 我話總之我有見紅穿水, 或者真係超密超規律嘅陣痛我會再返黎喇~~~個醫生都無辦法, 就放走左我喇

於是, 威威先生就好辛苦咁帶住個好重嘅走佬袋, 同我用左一個上晝, 遊左QE一轉喇~~~ $49埋單, 當實習左一次啦!!

其實, 我地已經開始排緊"二等房"喇~~ 如果我真係留低觀察, 跟住呢一兩日生得, 應該有得轉!! 不過.... 我真係好掛住屋企.... 掛住威威.... 寧願真係生得先入院, 最好直接入產房添~~~~

BABY, 如果你真係出世就乖乖地見紅加埋好密集嘅陣痛喇~~~ 我唔會再輕易咁入院喇~~~

GD NIGHT喇~~~ 我要瞓下先!!! BYE~~~~

決定出發~~

好痛呀~~~ 個肚仍然都係成晚變硬同埋痛~~~ 仲好似愈來愈密咁~~~ 而且痛得勁左~~~ 好似超級m痛咁~~~

由11點開始想瞓, 但好鬼辛苦呀~~~~ 好彩最後都瞓到幾個鐘頭~~~ 再痛醒時已經天光喇~~~~

6點幾開始計, 大約15分鐘痛一次, 不過好鬼痛, 比尋晚同前晚嘅痛, 勁左好多~~~ 但係又仍然無見紅喎~~

不過都係去醫院check下好d喇~~~~

好喇~~~ 出發喇~~~ 希望真係已經開左幾度, 好快生得啦~~~~

肚痛痛~~~ 點先係陣痛???

肚痛痛左成晚~~~ 個肚陰d陰d咁痛~~~ 好辛苦~~~ 瞓得勁差~~~

之前一直以為會見紅或者穿水先至等於生得, 要即刻去醫院~~~ 不過有幾個blogger mami都話只係陣痛入院, 而且都好快就生得喇~~~

哎呀~~~ 攪到個肚一痛就有d緊張喇~~~ 到底點樣先算係陣痛呢???

睇番d生仔書, 話如果肚痛好有規律, 而且隔10分鐘就痛一次, 每次幾廿秒, 就要快d入院!!!

咁到底生之前係咪會好似我而家咁自己有d一陣陣, 唔太規律嘅陰d陰d痛咖???? 但又唔似係假宮縮喎, 因為個肚又唔係硬晒~~~~ 哎呀~~~~~

baby, 都係好似見紅清晰d呀~~~ 知道真係生得嘛~~~ 不過又好似有d人見紅but唔係生得喎

突然有d明白~~~~ 點解有d人寧願擇日開刀~~~ 唔洗經歷而家呢種"係唔係???", "幾時呢???"嘅感受, 又唔洗唔知痛幾耐~~~ !!! 不過我都係會choose自然d自己生~~~ ~~~ 一定會好容易好輕鬆好快手好順利生左仔仔出黎嘅!!! 

希望baby你快d出世啦, 比清楚d signals mami, 等我唔洗估估下~~~ !!

而家成日已經周身骨痛, 又加埋肚痛, 都幾辛苦咖~~~ 仔~~~ !!! 快d出世啦~~~

PS: 恭喜blog友 - 海豚個bb出左世~~~ !!! 睇相簿仲見到baby個樣好可愛~~~

2007.6.26 冬瓜粒湯飯~~~

我又玩煮飯仔喇~~~ 今次整左消暑良品 - 冬瓜粒湯飯~~~

第一次整, 周圍research下大家會落乜料落去~~~ 結果, 發現好多唔同花款呢~~~ 個個人整都唔同嘅, 所以就變左自己remix左一個喇~~~ 都好擔心唔知道d味道mix埋一堆會唔會好怪咖~~

點知~~~ 好好味~~~ !! 老公放工返黎有飯食好感動呢~~~ (唔洗諗又食乜街邊野好嘛)

仲有娃娃菜同埋老爺炆野~~~ yummy~~~ !!

不過, 其實大肚婆係廚房真係幾牙煙~~~ 我都爭d比地下d水善到成個跌低!!! 好彩無咋~~~~

**************************************************************

ps: baby婆婆(即係我mami)成日叫baby今日(628)出世, 哈哈!!! 好意頭喎~~~ !! 不過baby又無動靜呢~~~ 而另外同d大肚mami一齊傾開, 唔知道回歸10週年出世係咪又有好多著數呢~~~ 哈哈~~

到底, baby你幾時出世呢?? daddy今晚去左返night呢~~~ 如果你今晚作動出世, 我就要急call佢返黎喇~~ 如果你聽朝先開始作動, daddy又做完成晚野啱啱放工, 成晚無得瞓再陪mami去醫院生你, 唔知道佢頂唔頂得住呢???

老爺奶奶 - 好味愛心dinner

多謝各位blogger嘅關心~~~

我個baby好似未咁快打算出世呢~~~  其實星期五就38weeks喇~~~ 不過胎盤又無鈣化, bb又只係落左盤骨一半, 未算好多?? 我仲可以周圍行黎行去~~~, 係咪生之前bb落d會壓住恥骨feel到咖???

今日我仲自己一個去左QE, 又係例行檢查下咁~~~ 今次係個短髮女醫生, 唔係上次照U/S個長頭髮嘅~~~ 不過又係幾好心機, 佢摸我個肚話baby size同胎位都好好~~~ 而且心跳都好strong~ good喎~~~

我之前有d心急想baby早少少出世~~~ 因為怕佢太過巨b, 我會難生同埋想表姐loulou未走前生~~~, 可以比佢見埋先返去~~~

不過, 而家又無咁諗lu~~~ 一來loulou已經走左~~~!! 二來我覺得baby大少少, 我都可以好容易好輕鬆咁順產到嘅~~~ (自我催眠成功左~~~)~~~所以好relax~~~ baby你鐘意幾時出世就話我知啦~~~

************************************************************

又講左咁多添~~~ 其實今日係想寫番前晚餐好味愛心dinner嘅~~~ 老爺奶奶上星期返左大陸玩~~ 所以好耐無食過佢地嘅愛心dinner喇~~~ 星期一睇完醫生, 送完loulou, 就返左去dinner喇~~~

有佢地係佛山拎返黎嘅"秋茄" 同唔記得邊度買嘅"好味bb雞"一隻~~~ 再加上老爺炆嘅"花膠蠔豉冬菇+肋骨"~~~ 好好味~~~~

 仲有呢條個樣咁攪鬼嘅魚~~~ !!! 各位知唔知道係乜魚???

PS: 哈哈~~~ 威威仲話個個都知道呢條"哨牙妹"係乜魚添~~~  比多兩張"蒸前蒸後"大家睇下先~~~

佢係"青衣"~~~~